– સંસદમાં પૂછવામાં આવેલા પ્રશ્નનો ઉલ્લેખ કરતા રાહુલ ગાંધીએ કહ્યું હતું કે, હવે રીઝર્વ બેંક ઓફ ઇન્ડીયાએ નીરવ મોદી, મેહુલ ચોકસી સહીત ભાજપના મિત્રોના નામ બેંક ચોરોના લીસ્ટમાં દાખલ કરી દીધા છે.
દિલ્હી,
કોંગ્રેસના પૂર્વ અધ્યક્ષ અને વયનાડના સાંસદ રાહુલ ગાંધીએ મોદી સરકાર પર પ્રહાર કર્યો હતો. રાહુલે સરકાર પર મોટા ડીફોલ્ટરના નામ છુપાવવા પર આરોપ લગાવ્યા હતા.સંસદમાં પૂછવામાં આવેલા પ્રશ્નનો ઉલ્લેખ કરતા રાહુલ ગાંધીએ કહ્યું હતું કે,હવે રીઝર્વ બેંક ઓફ ઇન્ડીયાએ નીરવ મોદી, મેહુલ ચોકસી સહીત ભાજપના મિત્રોના નામ બેંક ચોરોના લીસ્ટમાં દાખલ કરી દીધા છે.
રાહુલ ગાંધીએ ટ્વીટ કરીને જણાવ્યું હતું કે,સંસદમાં મે એક સીધો સવાલ પૂછ્યો હતો કે મને દેશના ૫૦ મોટા બેંક ચોરના નામ જણાવો.નાણા મંત્રીએ જવાબ આપવાની મનાઈ ફરમાવી દીધી હતી.હવે આરબીઆઈએ નીરવ મોદી,મેહુલ ચોક્સી સહીત ભાજપના મિત્રોના નામ બેબંક ચોરોના લીસ્ટમાં નાખ્યા છે જેના કારણે સંસદમાં તેને છુપાવવામાં આવ્યા હતા.
ઉલ્લેખનીય છે કે, માર્ચ મહિનામાં બજેટ સત્ર દરમિયાન કોંગ્રેસના પૂર્વ અધ્યક્ષ રાહુલ ગાંધીએ બેન્કિંગ ફ્રોડને લઈને સવાલ ઉઠાવવામાં આવ્યા હતા. તેમણે સરકાર પાસેથી ૫૦ મોટા ડીફોલ્ટરની જાણકારી માંગી હતી.પ્રશ્નકાળ દરમિયાન કોંગ્રેસ સાંસદ રાહુલ ગાંધીએ સવાલ કર્યો હતો કે,મે સરકારને સરળતાથી દેશના ૫૦ બેંક ડીફોલ્ટર કોણ છે.મને કોઈ જવાબ મળ્યો નથી.વડાપ્રધાન મોદી કહે છે કે,જેમણે હિન્દુસ્તાનની બેન્કમાંથી ચોરી કરી છે તેમને પકડીને પરત લઇ આવીશ.તો મે તેમને નામ પૂછ્યા હતા પરંતુ મને કોઈ જવાબ મળ્યો ન હતો.
તેના જવાબમાં નાણા રાજ્ય મંત્રી અનુરાગ ઠાકુરે જવાબ આપ્યો હતો કે,મે કોઈ છુપાવવાની વાત કરી નથી.આની જાણકારી આપવામાં આવી છે. CIC ની વેબ્સાઈટ પર દરેક ડીફોલ્ટરના નામ આપવામાં આવે છે.૨૫ લાખથી જે વધારે છે તેમની જાણકારી આપવામાં આવી રહી છે.અનુરાગ ઠાકુરના આ જવાબને લઇ સંસદમાં હોબાળો થયો હતો.
