આણંદ,
કોવિડ ૧૯ વાઇરસ સામે લોકોની રોગપ્રતિકારક શક્તિને જાળવી રાખે તેવું હળદરવાળુ દૂધ એટલે હલ્દી દૂધ અમૂલ દ્વારા બજારમાં મુકવામાં આવ્યું છે. અમૂલ દૂધની વિવિધ વેરાયટીમાં હવે ટૂંક સમયમાં આદુંવાળુ દૂધ,તુલસીવાળુ દૂધ જેવા વિવિધ કુદરતી અને આરોગ્યપ્રદ પીણાઓ બનાવવાની પણ તૈયારીઓ અમૂલ દ્વારા શરૂ કરી દેવામાં આવી છે.અમૂલ-ફેડરેશનના મેનેજિંગ ડિરેક્ટર ડો.આર.એસ.સોઢીએ જણાવ્યું કે કોવિડ ૧૯ વાઇરસના પ્રકોપના પગલે આયુષ મંત્રાલયે લોકોને સ્વ સંભાળ માટે નિવારક પગલાં લેવા માર્ગદર્શિકા જાહેર કરી છે,જેમાં લોકોને પોતાની રોગપ્રતિકારક શક્તિને જાળવી રાખવા માટે હળદરવાળુ એટલે હલ્દી દૂધ પીવાની ભલામણ કરવામાં આવી છે.
જેથી અમૂલે સરળતાથી મળી રહે અને સસ્તું પ્રતિરક્ષા માટે આશીર્વાદરૂપ પીણું અમૂલ હલ્દી દૂધ બજારમાં મુક્યું છે.હલ્દી દૂધ અથવા સોનેરી દૂધ જેને હળદર લેટ પણ કહેવામાં આવે છે,જે તેના પરંપરાગત એન્ટીબેક્ટેરિયલ અને બળતરા વિરોધી ગુણધર્મો માટે જાણીતું છે.રીતે આયુર્વેદમાં વપરાતા હળદરનો તાજી અને સૂકા પાઉડર તરીકે આરોગ્યને ધ્યાનમાં રાખીને ઉપયોગમાં લેવામાં આવે છે.અમૂલ દૂધના સમૃદ્ધ અને ક્રીમી સ્ટાર્ન્ડડ સાથે હળદર એક સંપૂર્ણ પ્રતિરક્ષા બૂસ્ટર પીણું બને છે જે બીમારીને રોકવા માટેના તમામ ગુણધર્મો ધરાવે છે.અમૂલ હલ્દી દૂધને કેસર અને બદામની ફ્લેવર્ડ વધુ ટેસ્ટી બનાવે છે.આ દૂધ કોઇપણ સમયે કોઇપણ વયજૂથના વ્યક્તિ પીવામાં લઇ શકે છે.અમૂલ હલ્દી દૂધની ૨૦૦ મિલીના ઇઝી ઓપન એન્ડ કેન રૂ.૩૦ માં બજારમાં ઉપલબ્ધ થશે.જે તમામ અમૂલ પાર્લર અને રિટેલ કાઉન્ટર પર મળી રહેશે.અમૂલના પશ્ચિમ અને ઉત્તર ભારતના રાજ્યના આર્ટ મેન્યુફેક્ચરિંગ પ્લાન્ટસમાં દરરોજ બે લાખ પેકની ઉત્પાદન ક્ષમતા ધરાવે છે.ઠંડા પીણાંની વિવિધ કેટેગરીમાં અતિશય સ્પર્ધા હોવા છતાં અમૂલ ટેસ્ટી અને વેલ્યુ એડેડ મિલ્ક ડ્રિંક્સ આપીને નેતૃત્વની સ્થિતિ જાળવી રાખે છે.અમૂલ ફ્લેવર્ડ મિલ્ક, કોલ્ડ કોફી, મિલ્કશેક્સ, એનર્જી ડ્રિંક્સ, કઢાઇ દૂધ, ગોળ આધારિત ગુડ દૂધ,આયુર્વેદિક મેમરી મિલ્ક, ડેરી આધારિત મોકટેલ્સ, છાશ અને લસ્સી જેવા પીણાં બજારમાં ઉપલબ્ધ કર્યા છે.
