– ભારતને ધાર્મિક સ્વતંત્રતાનો ઉપદેશ આપનાર અમેરિકી આયોગના પ્રમુખ સમલૈંગિક વિરોધી, યોગને ગણાવી મૂર્ખતા
– ભારતે અમેરિકી આયોગની અને પક્ષપાતી અને વિવાદાસ્પદ ગણાવી તેના પર કડક વિરોધ નોંધાવ્યો હતો.
નવી દિલ્હી,
અમેરિકાની આંતરરાષ્ટ્રીય ધાર્મિક સ્વતંત્રતા આયોગના પોતાના રિપોર્ટમાં ભારત ઉપર આરોપ લગાવ્યો હતો.એ આયોગના પ્રમુખ પોતે વિવાદોમાં ઘેરાયા છે. USCIRFના પ્રમુખ ટોની પર્કિસ LGBTQ અલ્પસંખ્યક સમુદાયો અંગે કડવી ટિપ્પણીઓ કરતા રહે છે.એટલું જ નહીં તે યોગ ઉપર પણ વિવાદીત નિવેદન આપ્યું હતું.
અમેરિકી આંતરરાષ્ટ્રીય ધાર્મિક સ્વતંત્રતા આયોગે ધાર્મિક સ્વતંત્રતા ઉપર પોતાના વાર્ષીક રિપોર્ટમાં આરોપ લગાવ્યો હતો. કે ભારતમાં ધાર્મિક સ્વતંત્રતા મામલે વસ્તુઓ નીચે તરફ જઈ રહી છે. ભારતમાં ધાર્મિક અલ્પસંખ્યકો ઉપર હુમલાઓ વધી રહ્યા છે.જેના ઉપર ભારતે મંગળવારે અમેરિકી આયોગને રિપોર્ટમાં પોતે કરેલી ટિપ્પણીઓને પક્ષપાતી અને વિવાદાસ્પદ બનાવતા આનો કડક વિરોધ કર્યો હતો.વિદેશ મંત્રાલયના પ્રવક્તા અનુરાગ શ્રીવાસ્તવે કહ્યું કે તેમના ભારત વિરોધી પક્ષપાતી અને વિવાદાસ્પદ નિવેદન નવું નથી.પરંતુ આ વખતે તેમની ખોટી ટિપ્પણીઓએ હદ વટાવી છે.
મુસ્લિમો અને LGBTQ કાર્યકર્તાઓની તુલના આતંકવાદીઓથી કરી
રાષ્ટ્રપતિ ડોનાલ્ડ ટ્રમ્પે પોતાના લાંબા સમયના સાથી રહેલા ટોની પર્કિસને આ આયોગના પ્રમુખ બનાવ્યા હતા.પર્કિસને આયોગનો પ્રમુખ બનાવવાના નિર્ણયનો આખા અમેરિકામાં ખૂબ જ વિરોધ થયો હતો. તેમણે મુસ્લિમો અને LGBTQ કાર્યકર્તાઓની તુલના આતંકવાદીઓથી કરી હતી.ત્યારબાદ ભારે વિવાદ થયો હતો.
અમેરિકી સૈનિકોની સારવાર માટે યોગા અને ધ્યાનનો પ્રયોગ મુર્ખામી ગણાવી
પર્કિસે માત્ર મુસ્લિમો જ નહીં હિન્દુઓ ઉપર પણ નિશાન સાધ્યું હતું. 2007માં જ્યારે રાજન જેડ નામના એક હિન્દુ વ્યક્તિએ અમેરિકી સેનેટમાં પહેલીવાર પ્રાર્થના કરી હતી ત્યારે પર્કિસ બે મહિલાઓ સાથે બૂમો પાડી હતી અને કહ્યું હતું કે પ્રાર્થના એક તિરસ્કાર હતી.પર્કિસે એક અવસરને યાદ કરતા લખ્યું હતું કે,અમેરિકી સૈનિકોને યોગ અને ધ્યાનનો પ્રયોગ PTSDની સારવાર તરીકે ન કરવી જોઈએ. આ બંને પ્રક્રિયાને મૂર્ખામી ગણાવી હતી.
