સુરત ગ્રામ્યના બે પોલીસકર્મીઓની તાપી માં બદલી

બારડોલી,

સુરત રેન્જ આઈજીએ સુરત જિલ્લાના એસઓજી બ્રાન્ચ ના બે પોલીસ કર્મચારીઓની તાપી જિલ્લામાં બદલી કરી દેતાં પોલીસ બેડામાં ખળભળાટ મચી ગયો છે.છ મહિના પેહલા એક પ્રકરણ માં અચાનક બદલી કરી હોવાનું જાણવા મળ્યું છે.સુરત ગ્રામ્યમાં એસોઓજી બ્રાંચમાં ફરજ બજાવતા એએસઆઇ અવધેશ નારણ અને ડ્રાઈવર પો.કો.મહેંદ્ર કેશાએ છ મહિના પહેલા કામરેજ તાલુકાનાં હલધરુંના એક બુટલેગરને એલસીબી ચોકી પર બોલાવી છોડી મૂક્યો હોવાનો આક્ષેપ થતાં વિવાદ ઊભો થયો હતો જે અંગે રેન્જ આઈજી દ્વારા શનિવારે મોડી સાંજે રેન્જ આઈજીએ બંને પોલીસકર્મીઓની તાપી જિલ્લામાં બદલી કરી દીધી હોવાનું જાણવા મળે છે.જોકે આ બદલી અંગે અનેક ચર્ચા ચાલી રહી છે.