વલસાડ,23 મે : લોકડાઉનમાં વાપી નજીક કરવડ ગામે ચાલીની બાજુમાં જુગાર રમતા સાત લોકોની એલસીબીએ ધરપકડ કરી કાર્યવાહી હાથ ધરી હતી. આરોપીઓ પાસેથી રોકડ અને મોબાઇલ મળી કુલ રૂ.92,380 નો મુદ્દામાલ કબજે કરાયો હતો. લોકડાઉનમાં એલસીબીની ટીમ ગુરૂવારે વાપી વિસ્તારમાં પેટ્રોલીંગમાં હતી.તે દરમિયાન મળેલી બાતમીના આધારે ડુંગરા કરવડ ગામની સીમમાં ધર્મેશની ચાલીની બાજુમાં પહોંચતા ત્યાં કેટલાક ઇસમો હારજીતનો જુગાર રમી રહ્યા હતા. પોલીસને જોઇ બે આરોપી ત્યાંથી ફરાર થઇ ગયા હતા.
જ્યારે આરોપી જીગ્નેશ ચીમન પટેલ રહે.કોચરવા,સંજય પટેલ રહે.કોચરવા,પવનપ્રસાદ શાહ રહે.રણછોડનગર,બાલાજી માધવરાવ ગુંગટે રહે.છીરી, રાજેશ પટેલ રહે.કોચરવા,સુંદરશ્યામ મહતો રહે.છીરી અને ગીરધારીલાલ મંડલ રહે.છીરીની પોલીસે ધરપકડ કરી તમામની સામે જુગારધારાની કલમ મુજબ ગુનો નોંધી આગળની તપાસ ડુંગરા પોલીસને સોંપી હતી.આ કેસમાં ફરાર પવન અને અજીત યાદવ વોન્ટેડ જાહેર કરાયા છે.સ્થળ ઉપરથી રોકડા અને મોબાઇલ મળી કુલ રૂ.92,380નો મુદ્દામાલ કબજે કરાયો હતો.
