વલસાડ,10 જુલાઈ : દમણમાં ગુરૂવારે કોરોન્ટાઇન કરાયેલા અને અગાઉ પોઝિટિવ દર્દીના સંપર્કમાં આવેલા વધુ 11 દર્દીનો પોઝિટિવ રીપોર્ટ આવ્યો છે.જ્યારે 4 પેશન્ટ સ્વસ્થ થવાથી રજા આપવામાં આવી છે.અત્યાર સુધીમાં કુલ 93 દર્દીઓ રીકવર થતાં હાલમાં એક્ટિવ કેસની સંખ્યા 133 રહી છે.દમણના ડાભેલ અને સોમનાથ વિસ્તારમાંથી ગુરૂવારે ફરી વધુ કોરોના પોઝિટિવ કેસ મળી આવ્યા છે.જોકે,નવા કેસમાં એકપણ દર્દીની ટ્રાવેલ હિસ્ટ્રી નથી.આજે વધુ 6 નવા કન્ટેનમેન્ટ ઝોન જાહેર કરાયા છે જેમાં દમણ સોમનાથની કાલિયાભાઇની ચાલી,ડાભેલમાં ડાહ્યાભાઇના બંગલો નજીક સંદીપ બિલ્ડિંગ,ખારીવાડ સ્થિત લાઇફ કેર હોસ્પિટલની સામે માય સિટી એપાર્ટમેન્ટ,સોમનાથની ફોચ્યુન નેનો બિલ્ડિંગ,દલવાડામાં બંકિમની ચાલી અને કચીગામ મંદિર નજીક રાકેશભાઇની બિલ્ડિંગ.
