બારડોલી : સુરત જિલ્લામાં દિનપ્રતિદિન કોરોના દર્દીઓની સંખ્યામાં સતત વધારો જોવા મળી રહ્યો છે.સોમવારના રોજ બપોર સુધીમાં 51 કેસ પોઝિટિવ નોંધાયા છે. જેમાં સૌથી વધુ બારડોલીમાં 13 વ્યક્તિઓ કોરોના સંક્રમિત થયા છે.
આજરોજ સુરત જિલ્લામાં કોરોનાના 51 કેસ પોઝિટિવ નોંધાયા છે. જેમાં સૌથી વધુ બારડોલી તાલુકામાં 13 વ્યક્તિઓ કોરોના ચેપગ્રસ્ત બન્યા છે.જ્યારે ઓલપાડ તાલુકામાં 11,પલસાણામાં 10,ચોર્યાસીમાં 8 ,માંડવીમાં 3 ,કામરેજમાં 2 ,મહુવામાં 2 માંગરોળ અને ઉમરપાડામાં 1 – 1 કેસ નોંધાયો છે.સુરત ગ્રામ્યમાં આજદિન સુધી નોંધાયેલા પોઝિટિવ કેસનો આંક 3156 પર પહોંચ્યો છે.જ્યારે કોરોનાથી સુરત ગ્રામ્યમાં કુલ મૃત્યુઆંક 142 પર પહોંચ્યો છે.
