દેશભરમાં દિવાળીના તહેવારને ધ્યાનમાં લેતા ફટાકડાઓનું વેચાણ શરૂ થઇ ગયું છે.તેની સાથે જ ઘણાં સ્થળોએ પોલીસ છાપેમારી કરી ફટાકડા વેચનારાઓ પર કાર્યવાહી કરી રહી છે,તો અમુક અન્ય કટ્ટરપંથી સંગઠને પણ પોતાની રીતે દુકાનોમાં પહોંચીને ભડકાઉ દેખાતી વસ્તુઓ પર દુકાનદારોને ધમકાવી રહ્યા છે.એવો જ એક મામલો મધ્યપ્રદેશના દેવાસથી સામે આવ્યો છે.જ્યાં એક હિંદુવાદી સંગઠનના અમુક લોકો મુસ્લિમ દુકાનદારની દુકાનમાં ઘુસીને તેને દેવી દેવતાઓના ફોટોવાળા ફટાકડા પર ધમકાવતા જોઇ શકાય છે.ઘટનાનો એક વીડિયો સોશિયલ મીડિયા પર પણ વાયરલ થઇ રહ્યો છે.
વીડિયોમાં શું છે
વીડિયોમાં અમુક લોકો દુકાનમાં ઘુસીને દુકાનદારને ધમકાવતા જોઇ શકાય છે.આ લોકો કહે છે કે જો અમે તમાકા દેવી દેવતાઓ સાથે આવું કરીએ તો શું થશે.તેના પર દુકાનદાર કહે છે કે તે આ રીતના ફટાકડા લેતા નથી.ત્યાર પછી દુકાનદારની સાથે મોજૂદ એક વ્યક્તિ કહે છે કે આવા ફટાકડા અમે બનાવતા નથી.આ આખા જમાનામાં ક્યારથી થઇ રહ્યું છે,તમને આજે ખબર પડી.
ત્યાર પછી દુકાનમાં પહોંચેલા લોકો કહે છે કે તમારે આવા ફટાકડા ખરીદવા જોઇએ જ નહીં.જો તેઓ આવું કરશે તો હું તેમને પરેશાન કરી દેવા. હું તેને વોટ્સએપ પર નાખીશ.આગ લગાવી દેવા તે દુકાનમાં.એક અન્ય વ્યક્તિ કહે છે કે લાયસન્સ નિરસ્ત થઇ જશે, બે મિનિટ લાગશે.પછી ન કહેતા કે હિંદુઓએ ઘરે બેસાડી દીધા.
સોશિયલ મીડિયા પર લોકોનો ગુસ્સો
આ વીડિયોના સામે આવ્યા પછી લોકોએ સોશિયલ મીડિયા પર ગુસ્સો વ્યક્ત કર્યો છે.ફુજેલ અહમદ નામના વ્યક્તિએ ટ્વીટ કરી લખ્યું, ભારતમાં મોટાભાગના ફટાકડા તમિલનાડુના શિવકાશીમાં બને છે.ત્યાં લોકો ભગવાનની તસવીરો ફટાકડા પર લગાવે છે,કારણ કે તેમને લાગે છે કે તેમનો વેપાર વધશે.દુકાનદારનો માત્ર એટલો જ વાંક હતો કે તે મુસ્લિમ છે અને તેણે દાઢી રાખી હતી.
તો અન્ય એક યૂઝર ચારૂ ગર્ગે લખ્યું,આ ખૂબ જ ખરાબ થઇ રહ્યું છે.ગરીબ દુકાનદારને જુઓ તે તમારી પિતાની ઉંમરના છે અને પોતાનું કામ કરી રહ્યા છે. આ ગુંડાઓ બેરોજગાર છે.આ લોકો ઉત્પાદકો પાસે જવાના સ્થાને દુકાનદારની પાછળ પડ્યા છે,કારણ કે આ લોકો સોફ્ટ ટાર્ગેટ છે.
