– શહેરના વરાછામાં હીરાના વેપારી સામે વધુ એક બળાત્કારની ફરિયાદ નોંધાતા ખભળાટ મચી ગયો છે.પહેલી યુવતીએ ફરિયાદ નોંધાવી ત્યારથી વેપારી ફેરાર થઈ ગયો છે.
સુરત: શહેરના વરાછામાં હીરાના વેપારી સામે વધુ એક બળાત્કારની ફરિયાદ નોંધાતા ખભળાટ મચી ગયો છે.પહેલી યુવતીએ ફરિયાદ નોંધાવી ત્યારથી વેપારી ફેરાર થઈ ગયો છે.હવે અન્ય યુવતીએ પણ પોલીસ ફરિયાદ નોંધાવી છે.ફરિયાદ કરનાર યુવતી સોશિયલ મીડિયાથી વેપારીના સંપર્કમાં આવી હતી.આ પછી વેપારીએ લગ્નની લાલચ આપીને યુવતી સાથે વારંવાર શરીર સુખ માણ્યું હતું.જેને કારણે યુવતી પ્રેગ્નેન્ટ થઈ ગઈ હતી.જોકે,વેપારીએ ગર્ભપાત કરાવી દીધો હતો.આ પછી યુવતી સાથેના તમામ સંબંધો તોડી નાંખતા યુવતીએ બળાત્કારની ફરિયાદ નોંધાવી છે.
આ અંગેની વિગતો એવી છે કે,સુરતના વરાછામાં ડાયમંડ વર્લ્ડમાં હીરાની ઓફિસ ધરાવતા વસંત પટેલ સામે થોડા દિવસ પહેલા એક યુવતીએ બળાત્કારની ફરિયાદ નોંધાવી હતી.વેપારીએ યુવતીને પોતાની ઓફિસે નોકરી માટે બોલાવી ઠંડા પીણામાં કોઈ નશીલો પદાર્થ ભેળવીનો યુવતી સાથે દુષ્કર્મ આચર્યું હતું.આ અંગેની ફરિયાદ બાદ વેપારી ગુમ થઈ ગયો હતો.આ ફરિયાદ થઈ ત્યારથી વેપારી પોલીસ પકડથી દૂર છે.
વેપારી સામે થયેલી બીજી ફરિયાદની વાત કરીએ તો,સુરતના વેડ રોડ પર રહેતી 24 વર્ષીય યુવતી દોઢ વર્ષ પહેલા સોશિયલ મીડિયાથી વસંત ભીખા પટેલના સપર્કમાં આવી હતી.આ પછી બંનેએ ફોન પર પણ વાતચીત શરૂ કરી હતી.તેમજ વસંતે યુવતીને પ્રપોઝ કર્યું હતું અને તેનો પરિવાર આફ્રિકા રહે છે.તેમજ તેની સાથે મૈત્રી કરારથી રહેવા માંગે છે,તેમ જણાવ્યું હતું. શરૂઆતમાં તો યુવતીએ ઇનકાર કરી દીધો હતો.આ પછી યુવતીને વસંત પટેલે પોતાની ઓફિસે બોલાવી હતી અને અહીં વસંતે ફરીથી મૈત્રી કરારથી સંબંધ રાખવાનું કહ્યું હતું.યુવતીએ ઇનકાર કરતા વસંતે તેના પર બળાત્કાર ગુજાર્યો હતો.
આ પછી આરોપી યુવતીને વારંવાર ઓફિસે બોલાવી વારંવાર બળાત્કાર ગુજારતો હતો.વસંત યુવતીને પ્રથમ બળાત્કારનો વીડિયો ઉતાર્યો હોવાનું કહીને બ્લેકમેલ કરી વારંવાર બળાત્કાર ગુજારતો રહ્યો હતો.વસંત યુવતીને મુંબઈ ફરવા લઈ જઈ એક બાર-હોટલમાં પણ તેની સાથે શરીરસંબંધ બાંધ્યા હતા.અવારનવાર શરીર સંબંધ બાંધવાથી યુવતી ગર્ભવતી બની ગઈ હતી.જે બાદમાં હીરા વેપારીએ કોઈ દવા આપીને યુવતીનો ગર્ભપાત કરાવી નાખ્યો હતો.
