2004માં છોટા રાજનગેંગના આનંદ ચીકનાને પકડનાર એસઓજીના ASIનું અકસ્માતમાં મોત

નોકરીથી ઘરે જઇ રહેલા એસઓજીના એએસઆઈને અજાણ્યા વાહને અડફેટે લેતા ટૂંકી સારવાર બાદ મોત નિપજ્યું છે.ખટોદરા પોલીસે અજાણ્યા વાહન ચાલક સામે ગુનો નોંધી તપાસ શરૂ કરી છે.અલથાણ હરિઓમ નગર ખાતે રહેતા છગનભાઈ મનાભાઈ ડામોર(40) એસઓજીમાં ASI હતા.શનિવારે સાંજે તેઓ મોપેડ પર નોકરીએથી ઘરે જઇ રહ્યાં હતા ત્યારે અજાણ્યા વાહન ચાલકે અડફેટે લીધા હતા.છગનભાઈને સિવિલ બાદ ખાનગી હોસ્પિટલમાં ખસેડાયા હતા.જ્યાં તેમનું મોત થયું હતું.વર્ષ 2004માં છોટા રાજનના શાર્પ શુટર આનંદ ચીકનાને હથિયાર સાથે ઝડપી પાડ્યો હતો.