વડોદરા : ગુજરાતમાં દારૂ પર પ્રતિબંધ હોવા છતાં અહીં દારૂ સરળતાથી મળી રહે છે. હોમ ડિલિવરી પણ ફોન પર ઉપલબ્ધ છે.આ દરમિયાન અહીંના વડોદરાથી લક્ઝરી ગાડીમાં દારૂની હેરાફેરી કરાઈ હોવાનો કિસ્સો બહાર આવ્યો છે.પોલીસે આ આરોપમાં 3 બુટલેગરની ધરપકડ કરી 7.23 લાખનો દારૂ કબજે કર્યો હતો.
મળતી માહિતી મુજબ વડોદરાની હરણી પોલીસને તેમના બાતમીદારો પાસેથી બાતમી મળી હતી કે ન્યુ વીઆઇપી રોડ પર નીલ નંદન કોમ્પ્લેક્સ પાછળ આવેલી લક્ઝરી કારમાં દારૂની હેરાફેરી થવાની છે.આ બાતમીના આધારે પોલીસે દારૂ સાથે 3 બુટલેગરોને નાકાબંધી કરી ધરપકડ કરી હતી.
ધરપકડ કરાયેલા બુટલેગરોમાં જીતેન્દ્ર ઉર્ફે જીતેન્દ્ર કૈલાશ પનવેલ,અભિલાષસિંહ ઉર્ફે રિંકુ પ્રેમસિંગ ઠાકુર અને અમિત શાંતિલાલ માળીને લક્ઝરી કાર અને દારૂ સાથે પોલીસે 3 ને ઝડપી પાડ્યા છે.આ કેસમાં પોલીસે એક આરોપીને વોન્ટેડ જાહેર કર્યો છે.
કહેવામાં આવી રહ્યું છે કે આ ત્રણે કિરણ શ્યામલાલ કહાને દારૂ લઇને જતા હતા.તે સ્થળ પરથી ફરાર છે.શોધખોળ ચાલુ છે.
