પશ્ચિમ બંગાળમાં તૃણમૂલ કોંગ્રેસ હેટ્રીક તરફ આગળ વધી રહી છે.રવિવારે બપોર સુધીમાં મમતા બેનર્જીની પાર્ટીએ 200નો આંકડો પાર કરી લીધો હતો.જ્યારે ભાજપ 90 સીટની અંદર અટકીને રહી હતી.
બપોર સુધીના વલણથી જ સ્પષ્ટ થઈ ચુક્યું છે કે બંગાળમાં ફરી એકવા મમતા બેનર્જીની સરકાર ત્રીજીવાર બનવા જઈ રહી છે.પશ્ચિમ બંગાળની નંદીગ્રામ બેઠક પરથી સવારથી મમતા બેનર્જી પાછળ હતા પરંતુ બપોર સુધીમાં તેઓ શુભેંદુ અધિકારીથી આગળ નીકળી ગયા હતા. 1.40 સુધીની મત ગણતરી સુધીમાં મમતા 2700 મતોથી આગળ હતા.
મતગણતરી જેમ જેમ આગળ વધી રહી છે તેમ તેમ ટીએમસીના સમર્થકો પણ ઉજવણીઓ કરવા લાગ્યા હતા.કલકત્તામાં ટીએમસી અને ભાજપના સમર્થકો આમને સામને આવ્યા હતા.ટીએમસીના કાર્યકરોએ અહીં ભાજપ કાર્યાલય બહાર નારેબાજી કરી હતી.
