સુરત : સુરત શહેરમાં થોડે ઘણે અંશે સ્થિતિ નિયંત્રણમાં આવી રહી છે પરંતુ મહિધરપુરામાં ફરી એકવાર કામકાજ શરૂ થતા રહીશોએ વિરોધ કર્યો.રહીશોના વિરોધ બાદ પોલીસ સફાળી જાગી હતી. મહિધરપુરા હીરા માર્કેટમાં આજે સવારથી જ કેટલાક કારખાનાઓ શરૂ કરી દેવામાં આવ્યા હતા.જેમાં સરકારે નક્કી કરેલા કરતા વધારે માણસોના સ્ટાફ બેસાડવામાં આવ્યો હતો.હીરા દલાલોએ ઓફિસ ખોલીને બેસી ગયા હતા. પોલીસ બંદોબસ્ત મૂકવામાં આવ્યો હોવા છતાં પોલીસે કોઇ નક્કર કામગીરી ન કરતા કારખાના ચાલી રહ્યા હતા.મહિધરપુરા હીરા બજારમાં રહેણાંક વિસ્તાર પણ સમાવિષ્ટ છે મોટી સંખ્યામાં લોકો અહીં રહેતા હોવાથી કોરોના સંક્રમણ વધુ પ્રમાણમાં ફેલાવાની દહેશત જ રહેતી હોય છે.સ્થાનિક લોકો દ્વારા વિરોધ કરતા પોલીસ દોડતી થઇ હતી.
સ્થાનિક રહીશોએ કારખાના બંધ કરવા માટે પ્રયાસ શરૂ કર્યો હતો જોકે સ્થાનિક લોકોએ બંદોબસ્ત માટે મુકાયેલા પોલીસને પણ આડે હાથે લીધી હતી રહીશોના કહેવા મુજબ પોલીસ દ્વારા કારખાના બંધ કરાવવા માટે કામગીરી કરવાની જરૂર હતી તેને બદલે માત્ર બંદોબસ્ત માટે બેસી રહેતા હોવાનો રોષ વ્યક્ત કર્યો કારખાનામાં વધુ લોકો કામ કરતા હોય તે સમયે પોલીસે તાકીદે નજર કરીને કારખાનું બંધ કરાવવું જોઈએ.સ્થાનિકોનો રોષ પારખી જતાં બંદોબસ્ત માટે આવેલી પોલીસે તાત્કાલીક અસરથી કારખાના બંધ કરાવ્યા હતા.
મહિધરપુરા માર્કેટમાં કારખાનાઓ બેધડક રીતે શરૂ થઈ જવાની માહિતી મળતા કેમેરામાં કેદ કરવા ગયેલા કેમેરામેનને પણ કારખાનેદારોએ ધમકાવ્યો હતો.પોલીસે તટસ્થતાપૂર્વક પોતાની ફરજ બજાવવાની જરૂર છે.શહેરમાં સતત કોરોના સંક્રમણ ભાઈ હજુ ઓસર્યો નથી.તેવા સમયે તેમના આવા ઉદાસીન વલણના કારણે ફરી એકવાર કોરોના દહેશત જોવા મળી રહી છે.ડાયમંડ માર્કેટ અને ટેક્સટાઇલ માર્કેટ જો યોગ્ય રીતે સરકારના નિયમોનું પાલન નહીં કરે તો શહેરમાં કોરોના સંક્રમણ થવાની કોઈ શક્યતા નથી.સૌથી વધુ લોકોની અવરજવર ડાયમંડ માર્કેટમાં અને ટેક્સટાઇલ માર્કેટોમાં જોવા મળે છે.કોર્પોરેશન દ્વારા સમયાંતરે ડાયમંડ ટેકસટાઇલ માર્કેટના વેપારીઓ સાથે બેઠકો કરીને ગંભીરતા વિશે ચર્ચા કરે છે.પરંતુ માર્કેટના સંચાલકો અને વિવિધ એસોસિયેશનો તેને ગંભીરતાથી ન લેતું હોય તેવું જણાઈ રહ્યું છે.
