કામરેજ : સુરત જિલ્લાના કામરેજ પોલીસે NDPSના ગુનામાં વોન્ટેડ આરોપીને મહારાષ્ટ્રના જલગાંવ ખાતેથી ઝડપી પાડી કામરેજ ખાતે લઈ આવ્યા હતા.
આ અંગે મળતી માહિતી અનુસાર સુરત જિલ્લાના કામરેજ પોલીસ સ્ટેશનના પોલીસ સ્ટાફના માણસોને બાતમી મળી હતી કે, કડોદરા પોલીસ સ્ટેશનમાં નોંધાયેલા ગાંજાની હેરાફેરીના ગુનામાં વોન્ટેડ આરોપી રાજસાગર ગાગડે (ઉ,વર્ષ 20)મહારાષ્ટ્રના જલગાંવ જિલ્લાના ખંજરવાડા ગામ ખાતે હાજર હોય તે અંગેની બાતમી કામરેજ પોલીસ સ્ટેશનના P.I એમ.એમ. ગિલાતરને મળતા ચોક્કસ બાતમીના આધારે કામરેજ પોલીસની એક ટીમ જલગાંવ જતાં આરોપી તેના ઘરેથી મળી આવ્યો હતો.પોલીસે તેની ધરપકડ કરી કામરેજ ખાતે લઈ આવ્યા હતા.આ ગુનાની તપાસ P.I ગિલાતર કરી રહ્યા છે.
