નવી દિલ્હી : અવારનવાર હિન્દુ વિરોધી કન્ટેન્ટ છાપીને વિવાદોમાં રહેતા ‘ધ ન્યુયોર્ક ટાઈમ્સ’ અખબાર હવે જોબ રિક્રુટમેન્ટ દરમ્યાન પણ પોતાની હિન્દુ વિરોધી ધૃણા દર્શાવવામાં ખચકાતુ નથી.આ અખબારે ૧ જુલાઈ ૨૦૨૧ના રોજ લીંકડઈન પર જોબ રીક્રુટમેન્ટ પોસ્ટ કરી છે.આ જોબ દિલ્હીમાં સાઉથ એશીયા બિજનેસ સંવાદદાતા માટે છે.તેમા હાયરીંગની શરતો જોઈને એવું લાગે છે કે જાણે હિન્દુ અને મોદી વિરોધી બન્યા વગર આ નોકરી મેળવવી અત્યંત અઘરી છે.
પોતાની જાહેરાતમાં તેણે સ્પષ્ટ જણાવ્યુ છે કે અરજદાર એવો હોવો જોઈએ જે ભારત સરકાર વિરૂદ્ધ લખી શકે અને સત્તા પરિવર્તનના તેમના પ્રયાસોમાં પોતાનુ યોગદાન આપી શકે.આ પોસ્ટીંગમાં અખબારે એમ પણ લખ્યુ છે કે આમ તો ભારત વસ્તી બાબતે ચીનને ટક્કર આપી રહ્યુ છે તો પણ તે વિશ્વ મંચ પર મોટી તાકાત બનવાની મહત્વકાંક્ષા રાખે છે.તેમા આગળ વડાપ્રધાન મોદીના નેતૃત્વમાં ચીન સામેની કાર્યવાહીને ભારતનું એક નાટક કહેવામાં આવ્યુ છે.જોબ પોસ્ટ જોઈને અને તેમા ભારત અને ભારત સરકાર માટે વાપરવામાં આવેલ શબ્દોને જોતા એવું લાગે છે કે અખબારને ભારત સાથે કોઈ વાંધો છે.આ બધા શબ્દો દર્શાવે છે કે ન્યુયોર્ક ટાઈમ્સનો ઉદ્દેશ શું છે.
ન્યુયોર્ક ટાઈમ્સ કદાચ ઈચ્છે છે કે પત્રકારના રૂપમાં તેને એવો એજન્ટ મળે, જે મોદી સરકાર વિરોધી વાતાવરણ બનાવે.એવો વ્યકિત જે ભારત વિરોધી દુષ્પ્રચારને પ્રોત્સાહન આપે અને ટુકડે-ટુકડે ગેંગની મદદ કરે.ન્યુયોર્ક ટાઈમ્સ ભારતમાં જ ભારત વિરોધી એજન્ડા ચલાવનાર એજન્ટ પત્રકાર તરીકે નિમવા માંગે છે તે જાણવા માટે ચીન સાથેના ન્યુયોર્ક ટાઈમ્સના મધુર સંબંધોના મૂળ સુધી જવું પડશે.ખરેખર તો ગલવાન વિવાદ પછી ભારત-ચીનના વેપારમાં ઘટાડો થયો છે. ભારતે ચીનની કેટલીય એપ્સ પર પ્રતિબંધ મુકતા એ એપ્સ કંપનીઓને અબજો રૂપિયાનું નુકસાન થયુ છે. ૨૦૨૦માં ભારત-ચીન દ્વિપક્ષીય વેપારમાં ૫.૬૪ ટકાનો ઘટાડો થયો.ગલવાન વિવાદ પછી ચીનને નુકસાન થયું છે અને પેટમાં કદાચ ન્યુયોર્ક ટાઈમ્સને દુખ્યું છે કેમ કે ચીન તેને કરોડો રૂપિયાની જાહેરાતો આપે છે.
