કડોદરા : સુરત જિલ્લાના કડોદરા ખાતે આવેલ બાલાજી નગરમાં પહેલા માળે ભાડાના મકાનમાં તીન પત્તીનો જુગાર રમી રમાડતા 10 વ્યક્તિને કડોદરા પોલીસે ઝડપી પાડ્યા હતા અને પકડાયેલ વ્યક્તિઓ પાસેથી મોબાઈલ ફોન,રિક્ષા તેમજ રોકડ રકમ મળી કુલ 2.03 લાખનો મુદ્દામાલ કબ્જે કરી આગળની કાર્યવાહી હાથ ધરી છે.
આ અંગે મળતી માહિતી અનુસાર પલસાણા તાલુકાનાં કડોદરા વિસ્તારમાં તીન પત્તીનો જુગાર રમતા 10 વ્યક્તિને કડોદરા પોલીસે ઝડપી પાડ્યા છે.કડોદરા ખાતે બાલાજી નગરમાં પહેલા માળે ભાડાના મકાનમાં રહેતા વિજય ભીખુભાઈ ચાવડા કે જે પોતાના અંગત લાભ માટે બહારથી માણસો બોલાવી મકાનમાં પૈસા વડે હારજીતનો તીન પત્તીનો જુગાર રમાડી રહ્યા હતા.જે અંગેની બાતમી કડોદરા પોલીસને મળતા તેમણે રેડ કરી ઘટના સ્થળેથી જુગાર રમી રહેલ 10 વ્યક્તિને ઝડપી પાડ્યા હતા અને તેમની પાસેથી દાવપરના રોકડા રૂપિયા 17,510, તથા અંગઝડતીના રોકડા રૂ, 47,930, તેમજ ચાર ઓટોરિક્ષા કિંમત રૂ. 1.20 લાખ તથા 5 મોબાઈલ ફોન કિંમત રૂ. 18,000 મળી કુલ રૂ. 2.03 લાખનો મુદ્દામાલ કબ્જે કરી ગુનો નોંધી આગળની કાર્યવાહી હાથ ધરી છે.
આ વ્યક્તિઓ જુગાર રમતા ઝડપાયા
– વિજય ભીખુભાઈ ચાવડા (રહે, કડોદરા, બાલાજીનગર, તા-પલસાણા, મૂળ રહે, અમરેલી, જલારામનગર, જી-અમરેલી)
– રાજુ નવઘણભાઈ બામણીયા (રહે, બુટભવાની, શ્યામ સુંદર એપાર્ટમેંટ, વરાછા, સુરત, મૂળ રહે, સાવરકુંડલા, ખોડિયારચોક, લુહારસોસાયટી)
– ડેનીશ બકુલભાઈ મજેઠીયા (રહે,આઈમાતા રોડ, સવિતા વિહાર સોસાયટી, પૂણા ગામ, સુરત, મૂળ રહે, પોરબંદર)
– પ્રવીણ લાખાભાઇ છોટાલા (રહે, વાલકેશ્વર સોસાયટી, મગનવાડીની સામે, કડોદરા, મૂળ રહે, રાજુલા, વાલેરા રોડ, જી-અમરેલી)
– રમેશ દેવશીભાઈ સોલંકી (રહે, સાઈનગર સોસાયટી, પૂણા ગામ, સુરત, મૂળ રહે, ભરડીયાળા, જી, ગીર સોમનાથ)
– કેતન જગદીશભાઈ શિહોરી (રહે, કમલપાર્ક, સુરત શહેર, મૂળ રહે, ભાવનગર)
– ઘૂઘા કરશનભાઈ મકવાણા (રહે, બુટભવાની, શીવકોમ્પ્લેક્ષ, પૂણા ગામ, સુરત, મૂળ રહે, કંજરડા, તા-પાલીતાણા)
– ગોપાલ રાજેશ કરીયા (રહે, માતાવાડી પોલીસ ચોકીની સામે, વરાછા, સુરત, મૂળ રહે, જુનાગઢ)
– કમલેશ મગન ગોહિલ (રહે, પૂણા ગામ, વિક્રમનગર, સુરત, મૂળ રહે, સાવરકુંડલા, મફતિયા પરા)
– મહેન્દ્ર કેશુભાઈ પટેલ (રહે, કતારગામ, સુરત, મૂળ રહે, બોરડી, સમડીયાળા, તા-જેતપુર)
