તાલિબાનના આંતંકના રોજ નવા નવા કિસ્સાઓ સામે આવે છે. હમણાં સામે આવેલા એક કિસ્સામાં એવું જાણવા મળ્યું કે એક મહિલાને તાલિબાનીઓએ જીવતી સળગાવી દીધી.મહિલા તાલિબાની લોકો માટે જમવાનું બનાવતી હશે.તાલિબાને મહિલાના હાથનું ભોજન ખાધું અને તેને પસંદ ન આવ્યું તો તે લોકોએ મહિલાને જીવતી સળગાવી દીધી.
રસોઈ પસંદ ન આવતા જીવતી સળગાવી
પૂર્વ અફઘાન જજ અને મહિલા હિંસા સામે લડનારી નજલા આયુબીએ કહ્યું કે, ‘અફઘાનિસ્તાનના ઉત્તરમાં તાલિબાનના લોકોએ એક મહિલાને જીવતી સળગાવી હતી.મહિલાનો દોષ એટલો હતો કે તાલિબાનીઓને તેનું બનાવેલું ભોજન પસંદ ન આવ્યું. તાલિબાનોએ બળજબરીથી મહિલાના ઘરમાં પ્રવેશ કર્યો અને તેને રસોઈ બનાવવાનું કહ્યું.પહેલા મહિલાએ ના પાડી,પણ પછી ડરથી તેને રસોઈ બનાવી.આખરે તેની રસોઈ પસંદ ન આવતા તાલિબાનીઓએ તેને જીવતી સળગાવી દીધી.’
છોકરીઓનો વેપાર કરવામાં આવે
નજલા આયુબીએ કહ્યું કે, ‘છેલ્લા કેટલાક સપ્તાહમાં ઘણી છોકરીઓને શબપેટીઓ (કોફીન)માં સુવડાવી પડોશી દેશોમાં મોકલવામાં આવી રહી છે.ત્યાં તેનો સેક્સ વર્કર તરીકે ઉપયોગ કરી શકાય.ઘણા પરિવારોને તેમની પુત્રીઓના લગ્ન તાલિબાની લોકો સાથે મજબૂરીમાં કરાવવા પડ્યા.
આવી રીતે મહિલાઓનું રક્ષણ કરશે?
નજલા આયુબીએ પ્રશ્ન પૂછ્યો કે, ‘તાલિબાન કહી રહ્યું છે કે તે છોકરીઓ અને મહિલાઓનું રક્ષણ કરશે,પરંતુ સુરક્ષાનું વચન હવે ક્યાં ગયું? શું તે આવી રીતે મહિલાઓનું રક્ષણ કરશે? તેમણે તાલિબાન શાસનને દુઃખદ સ્વપ્ન ગણાવ્યું.’
બુરખો ન પહેરવા પર મારી ગોળી
થોડા દિવસો પહેલા તાલિબાનીઓએ એક મહિલાને ગોળી મારી દીધી હતી.ગોળી મારવા પાછળનું કારણ ફક્ત એટલું હતું કે તેને બુરખો પહેર્યો ન હતો.એક રિપોર્ટ અનુસાર તે મહિલાને તખ્ખાર પ્રાંતની રાજધાની તાલોકાનમાં ગોળી વાગી હતી.
જબરજસ્તી લગ્ન કરાવે
12 વર્ષથી ઓછી ઉંમરની છોકરીઓના તાલિબાની લોકો સાથે લગ્ન કરાવવામાં આવી રહ્યા છે.એક મહિલાને ટાઈટ કપડાં પહેરવા બદલ ગોળી મારવામાં આવી હતી.એક વીડિયોમાં જોવા મળ્યું કે, તાલિબાનનો એક વ્યક્તિ કાબુલ એરપોર્ટની સામે મહિલાઓ અને બાળકોને ચાબુક અને લાકડીઓથી મારતો હતો.’
