મુંબઈ ડ્રગ્સ કેસની તપાસ કરી રહેલા NCB અધિકારી સમીર વાનખેડે ને કાનૂની સુરક્ષાની જરૂર છે.આ માટે તેમણે મુંબઈ પોલીસને ‘Don’t-Arrest-Me’ નો પત્ર લખ્યો છે.ફસાવવાની આશંકા વ્યક્ત કરીને તેમણે કાયદાકીય કાર્યવાહીથી રક્ષણ માંગ્યું છે. આ સાથે નવાબ મલિકે સમીર વાનખેડે ના જન્મ પ્રમાણપત્ર અંગે આજે ટ્વિટ કર્યું છે.સૂત્રોના જણાવ્યા અનુસાર- આ અંગે સમીર વાનખેડેએ કહ્યું કે મને નવાબ મલિક દ્વારા તેમના જન્મ પ્રમાણપત્રને લઈને તાજેતરમાં કરવામાં આવેલા ટ્વિટ વિશે જાણવા મળ્યું છે.આ બધા સાથે અસંબંધિત તમામ બાબતોને અંદર લાવવાનો આ એક ખોટો પ્રયાસ છે.
મારી માતા મુસ્લિમ હતા તો શું તે મારી મૃત માતાને આ બધામાં લાવવા માંગે છે? મારી જાતિ અને પૃષ્ઠભૂમિને ચકાસવા માટે, તે, તમે અથવા કોઈપણ મારા વતન જઈ શકો છો અને મારા પરદાદા પાસેથી મારા વંશની ચકાસણી કરી શકો છો,પરંતુ તેમણે આ ગંદકી આ રીતે ફેલાવવી જોઈએ નહીં.હું આ બધું કાયદેસર રીતે લડીશ અને કોર્ટની બહાર આ અંગે વધુ ટિપ્પણી કરવા માંગતો નથી.
જણાવી દઈએ કે આર્યન ખાન ડ્રગ્સ કેસની તપાસ કરી રહેલા મુંબઈ NCBના ઝોનલ ડિરેક્ટર સમીર વાનખેડે પણ ફસાયા અને ધરપકડનો ડર સતાવી રહ્યો છે.તેમણે રવિવારે મુંબઈ પોલીસ વડાને એક પત્ર લખીને તેમના ફસાયેલા વ્યક્તિ સામે કાયદાકીય કાર્યવાહીથી રક્ષણ માંગ્યું છે.વાનખેડેએ મુંબઈ પોલીસ વડાને પત્ર લખીને જણાવ્યું હતું કે તેમની સામે આદરણીય વ્યક્તિઓ દ્વારા જેલ અને બરતરફીની ધમકીઓ આપવામાં આવી છે અને અજાણ્યા લોકો તેમને ખોટા કેસમાં ફસાવવાની યોજના બનાવી રહ્યા છે.
ખરેખર, તેમનો પત્ર મહારાષ્ટ્ર સરકારના મંત્રી નવાબ મલિકની તાજેતરની ટિપ્પણીના સંદર્ભમાં જોવામાં આવી રહ્યો છે,જેમાં તેમણે કહ્યું હતું કે વાનખેડે એક વર્ષની અંદર નોકરી ગુમાવશે અને અમારી પાસે તેના બનાવટી કેસોના પુરાવા છે.આ કેસની તપાસમાં સામેલ ઝોનલ ડિરેક્ટર સમીર વાનખેડે પર હવે ખુદ NCB ના સાક્ષી પ્રભાકર સાયલે આરોપ લગાવ્યો છે.પ્રભાકર કહે છે કે તેણે અન્ય સાક્ષી કિરણ ગોસાવીને 18 કરોડ રૂપિયાની ડીલ વિશે વાત કરતા સાંભળ્યા હતા અને એ પણ સાંભળ્યું હતું કે આમાંથી 8 કરોડ રૂપિયા વાનખેડેને આપવામાં આવશે. NCB એ આ આરોપોને પાયાવિહોણા ગણાવ્યા છે.
‘સેન્ટ્રલ એજન્સીને આ આરોપોમાં તપાસ કરવા દો અને સત્યને બહાર આવવા દો’, તેમ તેમણે કહ્યું હતું. પત્રમાં કહેવામાં આવ્યું છે કે, કેટલાક સાર્વજનિક અધિકારીઓ દ્વારા જાહેર મીડિયા પર તેમને જેલ અને બરતરફની ધમકી આપવામાં આવી રહી છે. ઉલ્લેખનીય છે કે, એનસીપીના પ્રવક્તા નવાબ મલિક ક્રૂઝ ડ્રગ્સ કેસમાં વાનખેડે સામે ઘણા આરોપ લગાવી ચૂક્યા છે.
એક દિવસ પહેલા NCBએ પણ નિવેદન જાહેર કરીને તેમના પર લાગેલા આરોપો અંગે સ્પષ્ટતા કરી હતી.એનસીબીના ડીડીજી મુથા અશોક જૈન દ્વારા જાહેર કરવામાં આવેલા નિવેદનમાં કહેવામાં આવ્યું હતું કે, ‘NCBના એક ક્રાઈમ કેસમાં સાક્ષી પ્રભાકર સૈલનું એફિડેવિટ સોશિયલ મીડિયા દ્વારા મારા ધ્યાનમાં આવ્યું છે.આ એફિડેવિટમાં પ્રભાકર સૈલે 2 ઓક્ટોબર, 2021માં પોતાની ગતિવિધિ વિશે જાણકારી આપી છે, જે દિવસે આ કેસ નોંધવામાં આવ્યો હતો’.
નિવેદનમાં આગળ કહેવામાં આવ્યું છે કે ‘જે રીતે આ કેસના તેઓ સાક્ષી છે અને કેસ કોર્ટમાં પેન્ડિંગ છે. તેથી, તેઓ જો કંઈ કહેવા માગે છે તો સોશિયલ મીડિયાના બદલે માનનીય કોર્ટ સમક્ષ કહેવાની જરૂર છે.આ સિવાય એફિડેવિટમાં કેટલાક ચોક્કસ લોકો સામે આરોપો છે, જે મિ. પ્રભાકર દ્વારા સાંભળેલા પર આધારિત છે’
નિવેદનમાં અંતમાં કહેવામાં આવ્યું છે કે, ‘અમારા ઝોનલ ડિરેક્ટર સમીર વાનખેડેએ આ આરોપોને સ્પષ્ટ રીતે નકાર્યા છે. હું ડીજી, NCBને એફિડેવિટ મોકલી રહ્યો છું અને તેમને આગળની જરૂરી કાર્યવાહી કરવા માટે વિનંતી કરી રહ્યો છું’.
રિપોર્ટ્સ પ્રમાણે, કે.પી. ગોસાવીનો બોડીગાર્ડ હોવાનું કહેતા પ્રભાકર સૈલ નામના વ્યક્તિએ દાવો કર્યો હતો કે, NCBએ તેની પાસે કોરા પંચનામામાં સહી કરાવી હતી.આ સિવાય તેણે ગોસાવીને વાનખેડેને 8 કરોડ રૂપિયા આપવાના હોવાનું કહેતો સાંભળ્યો હતો.
