– સ્પા માલિક,ગ્રાહક અને ત્રણ બંગાળી સહિત ચાર યુવતી વિરૂધ્ધ કાર્યવાહીઃ ગ્રાહક દીઠ રૂ. 1500 વસુલી યુવતીઓને રૂ. 500 ચુકવતા હતા
સુરત : રીંગરોડ મજૂરા ગેટ સ્થિત નિર્મલ ભવન નજીક ઇ કોમ્પ્લેક્ષમાં સ્પા સેન્ટરના નામે ધમધમતા કૂટણખાના પર દરોડા પાડી અઠવાલાઇન્સ પોલીસે સ્પા માલિક અને ગ્રાહક તથા ત્રણ બંગાળી સહિત ચાર યુવતીઓને ઝડપી પાડી કાયદેસરની કાર્યવાહી હાથ ધરી છે.
અઠવાલાઇન્સ પોલીસે બાતમીના આધારે રીંગરોડના મજૂરા ગેટ સ્થિત નિર્મલ ભવન નજીક ઇ કોમ્પ્લેક્ષની દુકાન નં. 5 માં સ્પા સેન્ટરમાં દરોડા પાડયા હતા.સ્પાના નામે ચાલતા કૂટણખાનામાંથી સ્પા માલિક શંકર રમેશ શાહુ(ઉ વ.20) ને ઝડપી પાડી તેની પાસેથી રોકડા રૂ.1500 કબ્જે લીધા હતા. જયારે ગ્રાહક ગણેશ કિશન (ઉ.વ. 24 રહે. રવિભાઇના મકાનમાં,ભરવાડની ચાલી,ઝઘડીયા ચોક્ડી,પાલનપુર જકાતનાકા) ને બંગાળી યુવતી સાથે કંઢગી હાલતમાં ઝડપી પાડયો હતો.
પોલીસે સ્પા માલિક અને ગ્રાહક ઉપરાંત દેહવિક્રયનો ધંધો કરતી ત્રણ બંગાળી સહિત ચાર યુવતીને ઝડપી પાડી હતી. ઉલ્લેખનીય છે કે એકાદ મહિનાથી સ્પાની આડમાં ધમધમતા કૂટણખાનામાં બે બેડરૂમ બનાવવામાં આવ્યા હતા અને ગ્રાહકદીઠ રૂ. 1500 ની વસુલાત કરી યુવતીઓને રૂ. 500 ચુકવવામાં આવતા હતા.
