ED એ અભિનેત્રી ઐશ્વર્યા રાયને મોકલ્યું સમન,આ કેસમાં ખુલ્યું હતું નામ

નવી દિલ્હી: પનામા પેપર્સ મામલે બચ્ચન પરિવારની મુશ્કેલી વધી ગઈ છે.પનામા પેપર લીક મામલે ED એ એશ્વર્યા રાયને સમન પાઠવ્યું છે. જે હેઠળ તેને દિલ્હી તલબ કરી હતી.જો કે આ બધા વચ્ચે ED ના અધિકારીઓના જણાવ્યાં મુજબ ઐશ્વર્યા રાય આજે ED સમક્ષ હાજર નહીં થાય.આવામાં હવે એજન્સી જલદી ઐશ્વર્યા રાયને નવું સમન મોકલશે.

ઈમેઈલથી આપ્યો જવાબ : પનામા પેપર લીક મામલે ED એ આ અગાઉ ઐશ્વર્યા રાય બચ્ચનને 9 /11 2021 ના રોજ પણ કલમ 37 ફેમા હેઠળ સમન પાઠવ્યું હતું.આ સમન મુંબઈ સ્થિત પ્રતિક્ષા બચ્ચન પરિવારના નિવાસ સ્થાન પર મોકલવામાં આવ્યું હતું. જેમાં તેને 15 દિવસની અંદર જવાબ આપવાનું કહેવાયું હતું.સૂત્રોના જણાવ્યાં મુજબ તેનો જવાબ ઐશ્વર્યા રાય બચ્ચને ઈમેઈલ દ્વારા ઈડીને આપ્યો હતો.પનામા પેપર લીક મામલે બચ્ચન પરિવારનું પણ નામ સામે આવ્યું હતું.ED એ આ મામલે મની લોન્ડરિંગનો કેસ દાખલ કર્યો હતો.ED ની HIU આ મામલે તપાસ કરી રહી છે.