વોશિંગ્ટન : કોરોના વાયરસનો નવો વેરિયન્ટ ઓમિક્રોનનો હાલ દુનિયાના મોટાભાગના દેશોમાં પગપેસારો કરી ચૂક્યો છે.અમેરિકા અને યુકેમાં પણ ઓમિક્રોન ઝડપથી ફેલાઈ રહ્યો છે.ભારતમાં પણ ઓમિક્રોનના 200થી વધુ કેસ નોંધાયા છે.ઓમિક્રોનના ઝડપથી વધી રહેલા કેસને જોતા માઈક્રોસોફ્ટના સહ-સ્થાપક બિલ ગેટ્સે ચિંતા વ્યક્ત કરી છે.બિલ ગેટ્સે ચેતવણી આપતા જણાવ્યું કે દુનિયા મહામારીના સૌથી ખરાબ સમયમાં પ્રવેશ કરી શકે છે.ગેટ્સના મતે કોરોનાના ઓમિક્રોન વેરિયન્ટની અત્યાર સુધી સૌથી ખરાબ વૃદ્ધિ જોવા મળી છે.
બિલ ગેટ્સે ટ્વીટ કરીને જણાવ્યું કે,તેમણે પોતાની રજાઓના આયોજનો રદ કર્યા છે,કારણ કે તેમના અનેક મિત્રો કોરોનાના નવા વેરિયન્ટ ઓમિક્રોનથી સંક્રમિત થયા હોવાનું જણાયું છે.ગેટ્સે વધુમાં જણાવ્યું કે,ઓમિક્રોન કોઈપણ વાયરસની તુલનાએ સૌથી ઝડપથી ફેલાઈ રહ્યો છે.ઓમિક્રોનના કેસો ટૂંક સમયમાં અન્ય દેશોમાં પણ જોવા મળશે.
ડેલ્ટના તુલનાએ ઓમિક્રોન વેરિયન્ટ ઓછો ગંભીર હોવાનું જણાય છે પરંતુ તેના કેસોમાં સૌથી વધુ ઉછાળો જોવાશે કારણ કે તે વધુ ચેપી છે તેમ ગેટ્સે જણાવ્યું હતું. લોકોને કોરોના વાયરસની રસીના બૂસ્ટર ડોઝ લેવાની સલાહ આપતા કહ્યું કે,આ સૌથી વધુ સુરક્ષા આપે છે.લોકોએ એકબીજાનું ધ્યાન રાખવું પડશે,ખાસ કરીને એવા લોકોનું જે વધુ બીમાર હોય અને સંવેદનશીલ હોય.આ વાયરસથી બચવા ગેટ્સે માસ્ક પહેરવા,મોટા મેળાવડાથી બચવા અને વેક્સિન લગાવવા અપીલ કરી હતી.
2022માં મહામારીનો અંત આવી શકે : બિલ ગેસ્ટે જણાવ્યું કે,એક સારા સમાચાર પણ છે.ઓમિક્રોન એટલી ઝડપથી ફેલાય છે કે તે કોઈ એક દેશમાં હાવી થાય છે તો ત્યાં ત્રણ મહિનાથી ઓછા સમય સુધી તેની લહેર ચાલવી જોઈએ.આ સમય કપરો સાબિર થઈ શકે છે.મારા મતે જો આપણે યોગ્ય પગલાં લઈએ છીએ તો 2022 સુધીમાં મહામારીનો અંત આવી શકે છે.
