વિરાટ કોહલી બીજી ટેસ્ટમાંથી બહાર,કેએલ રાહુલ કેપ્ટન

• ભારત અને દક્ષિણ આફ્રિકા વચ્ચે ત્રણ મેચની ટેસ્ટ શ્રેણીની બીજી મેચ જોહાનિસબર્ગમાં રમાઈ રહી છે

 દિલ્હી  : ભારત અને દક્ષિણ આફ્રિકા વચ્ચે ત્રણ મેચની ટેસ્ટ શ્રેણીની બીજી મેચ જોહાનિસબર્ગમાં રમાઈ રહી છે.બીજી મેચમાં ભારતીય ટેસ્ટ ટીમનો નિયમિત કેપ્ટન વિરાટ કોહલી રમી રહ્યો નથી અને તેની જગ્યાએ કેએલ રાહુલ કેપ્ટનશીપ કરી રહ્યો છે.આ મેચમાં ભારતીય કેપ્ટન કેએલ રાહુલે ટોસ જીતીને પ્રથમ બેટિંગ કરવાનો નિર્ણય કર્યો હતો.

વિરાટ કોહલીની જગ્યાએ હનુમા વિહારીને પ્લેઇંગ ઇલેવનમાં સામેલ કરવામાં આવ્યો છે.બીજી ટેસ્ટ માટે ટીમમાં આ એકમાત્ર ફેરફાર છે.જ્યારે દક્ષિણ આફ્રિકાએ આ મેચ માટે પોતાની પ્લેઈંગ ઈલેવનમાં બે ફેરફાર કર્યા છે.ક્વિન્ટન ડીકોક અને મુલ્ડરની ટીમમાં ડુઆને ઓલિવર અને કાઇલ વેરેનનો સમાવેશ કરવામાં આવ્યો છે.

કેએલ રાહુલે ટોસ સમયે કહ્યું હતું કે,વિરાટ કોહલી ઈજાગ્રસ્ત છે અને તેની બેકમાં સમસ્યા છે,જેના કારણે તેને આરામ આપવામાં આવ્યો છે.આશા છે કે વિરાટ કોહલી આગામી ટેસ્ટ મેચ સુધીમાં ફિટ થઈ જશે. નોંધનીય છે કે,વિરાટ કોહલી માટે આ મેચ ખાસ હતી,કારણ કે આ તેની 99મી ટેસ્ટ મેચ હતી.જો વિરાટ કોહલી આ મેચમાં રમ્યો હોત તો શ્રેણીની છેલ્લી મેચ 100મી ટેસ્ટ મેચ બની હોત.પરંતુ હવે એવું થશે નહીં, કારણ કે ત્રીજી ટેસ્ટ તેની 99મી મેચ હશે.

ભારત (પ્લેઈંગ ઈલેવન): કેએલ રાહુલ (કેપ્ટન),મયંક અગ્રવાલ,ચેતેશ્વર પુજારા,અજિંક્ય રહાણે,હનુમા વિહારી,ઋષભ પંત (વિકેટકિપર),રવિચંદ્રન અશ્વિન,શાર્દુલ ઠાકુર,મોહમ્મદ શમી,જસપ્રિત બુમરાહ,મોહમ્મદ સિરાજ

દક્ષિણ આફ્રિકા (પ્લેઇંગ ઇલેવન): ડીન એલ્ગર (કેપ્ટન),એડેન માર્કરામ,કીગન પીટરસન,રસ્સી વેન ડેર ડુસેન,ટેમ્બા બાવુમા,કાઇલ વેરેને (વિકેટકિપર),માર્કો જેનસેન,કાગીસો રબાડા,કેશવ મહારાજ,ડુઆને ઓલિવિયર,લુંગી એનગીડી