જામનગર તા. 14 : જામનગરમાં નવાગામ ઘેડ વિસ્તારમાં એક રહેણાંક મકાન પર પોલીસે દારૂ અંગે દરોડો પાડી 12 નંગ ઈંગ્લીશ દારૂની બાટલીનો જથ્થો કબ્જે કર્યો છે,અને મકાન માલિકની અટકાયત કરી છે.આ ઉપરાંત સત્યમ કોલોની અંડરબ્રિજ પાસેથી પણ દારૂની બાટલી સાથે એક શખ્સને પકડ્યો છે,અને તેને દારૂ સપ્લાય કરનારને ફરારી જાહેર કરાયો છે.
જામનગરમાં નવાગામ ઘેડ મધુરમ સોસાયટી શેરી નંબર ત્રણ માં રહેતા રવિ વિનોદભાઈ જેઠવા નામના શખ્સના રહેણાંક મકાનમાં ઈંગ્લીશ દારૂનો જથ્થો ઉતારવામાં આવ્યો છે,તેવી બાતમીના આધારે સીટી બી. ડિવિઝન પોલીસે દરોડો પાડી તેના મકાનમાંથી 12 નંગ ઈંગ્લીશ દારૂની બાટલીનો જથ્થો કબ્જે કર્યો છે,અને મકાનમાલિક રવિ જેઠવાની અટકાયત કરી લીધી છે.
આ ઉપરાંત બીજો દરોડો સત્યમ કોલોની અન્ડર બ્રીજ પાસે પાડયો હતો,જ્યાંથી ઈંગ્લીશ દારૂની બાટલી સાથે નીકળેલા ધવલ નરેશભાઈ ચૌહાણ નામના શખ્સને પકડી પાડયો છે,જયારે તેને દારૂ સપ્લાય કરનાર પ્રિન્સ રાજુભાઈ ચૌહાણ નામના અન્ય એક શખ્સને ફરારી જાહેર કરાયો છે.
