– રસી કોરોનાથી બચાવવામાં સક્ષમ સાબિત થઇ
– રસીના પ્રથમ ડોઝથી 98.9 ટકા જ્યારે બન્ને ડોઝથી 99.3 ટકા રક્ષણ મળી શકે
નવી દિલ્હી : કોરોના સામે રક્ષણ આપવામાં રસી કેટલી મહત્વપૂર્ણ છે તે એક તારણમાં સામે આવ્યું છે.આ વર્ષે કોરોનાને કારણે જેટલા પણ લોકોના મોત નિપજ્યા છે તેમાંથી 92 ટકા એવા લોકો છે કે જેમણે કોરોનાની રસી નહોતી લીધી.
નીતિ આયોગના સભ્ય વીકે પોલે જણાવ્યું હતું કે મોતના આંકડા અને રસી લીધી છે કે નહીં તે તારણ પરથી એક વાત સ્પષ્ટ છે કે રસી અને રસીકરણને કારણે કોરોનાથી લાખો લોકોનું જીવન બચાવવામાં સફળતા મળી છે.રસીએ દેશને કોરોનાને કારણે થતા મોતની સંખ્યામાં વૃદ્ધીથી બચાવી લીધો છે.
ભારતીય આયુર્વિજ્ઞાનના ડો.બલરામ ભાર્ગવે જણાવ્યું હતું કે કોરોના સામે રક્ષણ આપવામાં રસી 98.9 ટકા પ્રભાવીત છે.જો રસીના બન્ને ડોઝ લઇ લેવામાં આવે તો રસી 99.3 ટકા અસરકારક સાબિત થાય છે.
આ વર્ષે કોરોનાને કારણે જે પણ લોકોના મોત નિપજ્યા છે તેમાં 92 ટકા લોકો એવા હતા કે જેમણે રસી લીધી જ નહોતી.એટલે કે રસી લીધી હોય તો પણ કોરોના થવાની શક્યતાઓ તો રહેલી છે પણ મૃત્યુ થવાની શક્યતાઓ ઘટી જાય છે.
