નવી દિલ્હી, તા. 07 માર્ચ, 2022, સોમવાર : મૈંને પ્યાર કીયા ફિલ્મની અભિનેત્રી ભાગ્યશ્રી પોતાની પ્રથમ ફિલ્મથી જ ચારે બાજુ છવાઈ ગઈ હતી.આજ સુધીમાં ન તો કોઈ આ ફિલ્મને ભૂલી શક્યુ કે ન તો ભાગ્યશ્રીને ભૂલી શક્યું છે.તમને જણાવી દઈએ કે,ભાગ્યશ્રી હવે ટૂંક સમયમાં સ્ટાર પ્લસનો શો સ્માર્ટ જોડીમાં નજર આવશે.આ શોમાં ભાગ્યશ્રીએ ક મહત્વની વાત કહી છે જે ફેન્સના દિલને સ્પર્શી ગઈ છે. હાલમાં જ ભાગ્યશ્રીએ બે તસવીરો શેર કરી હતી.આ તસવીરોમાં ભાગ્યશ્રી લાલ જોડામાં નજર આવી રહી છે.
ભાગ્યશ્રી સ્ટાર પ્લસના શો સ્માર્ટ જોડીમાં જોવા મળે છે.આ શોમાં આવ્યા બાદ તેણે તેના ફેન્સ સાથે એક મોટો ખુલાસો કર્યો છે.આ શોમાં તે જણાવે છે કે તેના લગ્નમાં કોઈ નહોતું,માત્ર તે પોતે અને તેના પતિ લગ્નમાં સામેલ થયા હતા.તે જ સમયે,આ શોમાં,તે અને તેના પતિ હિમાલયના ફરીથી લગ્ન કરવામાં આવી રહ્યા છે.તે જોઈને તેઓ ખૂબ જ ખુશ છે.
અભિનેત્રીએ હાલમાં જ પોતાના ઈન્સ્ટાગ્રામ પર પણ બે તસવીરો શેર કરી છે.પ્રથમ તસવીર 33 વર્ષ જૂની છે જ્યાં બંને મંદિરમાં લગ્નના જોડામાં બેઠેલા નજર આવી રહ્યા છે અને બીજી તસવીર શોની છે જ્યાં તે બીજી વખત પોતાના પતિ સાથે લગ્નના બંધનમાં બંધાઈ રહી છે.આ પોસ્ટ શેર કરતા તેમણે લખ્યું છે કે,આ વાત પર વિશ્વાસ નથી થઈ રહ્યો કે, 33 વર્ષ અગાઉ જે અમે કર્યું હતું તેને ફરીથી કરવામાં આવી રહ્યું છે અમારા જીવનના મહત્વપૂર્ણ દિવસને ફરીથી જીવી રહ્યા છે.હિમાલય અમે સ્માર્ટ જોડી થકી ફરીથી લગ્ન કર્યા અને કેટલીક યાદગાર ઘટનાઓ શેર કરી જે લોકો નથી જાણતા.
