જયપુર, તા. 19 માર્ચ 2022 શનિવાર : રાજસ્થાનના જયપુરમાં વિદેશી મહિલા સાથે બળાત્કારની ઘટના સામે આવી છે.મહિલા નેધરલેન્ડની રહેવાસી છે.તેણે આરોપ લગાવ્યો છે કે જયપુરના એક હોટલમાં એક વ્યક્તિએ આયુર્વેદિક મસાજના બહાને તેની સાથે બળાત્કાર કર્યો છે.પોલીસે શુક્રવારે આ જાણકારી આપી.પોલીસે જણાવ્યુ કે કથિત ઘટના બુધવારની છે અને આરોપીની ધરપકડ કરવામાં આવી છે.
કેરળનો મૂળ નિવાસી છે આરોપી
પોલીસે ફરિયાદના હવાલાથી જણાવ્યુ કે અજાણ્યા આરોપીએ સિંધી કેમ્પ નજીક હોટલમાં આયુર્વેદિક મસાજ દરમિયાન મહિલા સાથે દુષ્કર્મ આચર્યુ.મહિલાએ આ વિશે ગુરુવારે સાંજે સિંધી કેમ્પ સ્ટેશનમાં કલમ 376 હેઠળ ફરિયાદ નોંધાવી.પોલીસના જણાવ્યા અનુસાર આરોપી બિજુ મુરલીધરનની શુક્રવારે ધરપકડ કરવામાં આવી.કેરળના મૂળ નિવાસી મુરલીધરન અહીં ખાતીપુરા વિસ્તારમાં ભાડાના મકાનમાં રહે છે. સિંધી કેમ્પ એસએચઓ અનુસાર આરોપીએ ગુનો કબૂલ કરી લીધો છે.
ટુરિસ્ટ ગ્રૂપની સાથે આવી હતી મહિલા
પોલીસે જણાવ્યુ કે પીડિતાએ આરોપી વ્યક્તિને આયુર્વેદિક મસાજ માટે તે જગ્યાએ બોલાવ્યો હતો જ્યાં તે પોતાના પારિવારિક સભ્યોની સાથે રોકાઈ હતી.તેમણે જણાવ્યુ કે પીડિતાનો મેડિકલ ટેસ્ટ કરાવાયો છે અને આરોપી સાથે પૂછપરછ કરવામાં આવી રહી છે.મહિલા પોતાના પરિવારના કેટલાક સભ્યોની સાથે પર્યટકોના એક ગ્રૂપ સાથે 12 માર્ચે દિલ્હી આવી હતી.
