બારડોલી : સુરત જિલ્લાના કડોદરા પોલીસ સ્ટેશનના વિદેશી દારૂના ગુનામાં વોંટેડ આરોપીને એલસીબી પોલીસે કડોદરા મોદી હોસ્પિટલ નજીકથી ઝડપી પાડ્યો હતો.
પ્રાપ્ત માહિતી મુજબ સુરત જિલ્લાના કડોદરા વિસ્તારમાંથી પોલીસે કાયદાના સંઘર્ષમાં આવેલ એક કિશોરને પોતાના કબ્જાની એક ઓટો રિક્ષા નંબર જીજે-05-બી .વાય-6279 માંથી વિદેશી દારૂના જથ્થા સાથે ઝડપી પાડ્યો હતો.પોલીસે રિક્ષામાંથી 13,250 નો વિદેશી દારૂનો જથ્થો ઝડપી પાડ્યો હતો.પોલીસે દારૂ,મોબાઈલ ફોન અને રિક્ષા મળી કુલ રૂ. 68,250 નો મુદ્દામાલ કબ્જે કર્યો હતો.જ્યારે આ વિદેશી દારૂનો જથ્થો પૂરો પાડનાર વિકાસ ઉર્ફે રાજૂ (રહે, કડોદરા, બાલાજી નગર, તા-પલસાણા) ને વોંટેડ જાહેર કર્યો હતો.તે દરમ્યાન ગતરોજ સુરત જિલ્લા એલસીબી પોલીસની ટીમ પેટ્રોલીંગમાં હતી તે દરમ્યાન આ વિદેશી દારૂના ગુનાનો વોંટેડ આરોપી વિકાસ ઉર્ફે રાજૂ બીજેન્દ્રસિંગ રાજપુત (મૂળ રહે, કીરપારામપુર, જી-કાનપુર, યુ.પી) ને કડોદરા મોદી હોસ્પિટલ નજીકથી ઝડપી પાડી તેનો કબ્જો કડોદરા પોલીસને સોંપ્યો હતો.
