– 22મી એપ્રિલે જયપુરમાં IAS પ્રદીપ ગવાંડે સાથે લગ્ન કરવાના છે IAS ટીના ડાબી
– MBBS કર્યા બાદ કેટલી હોસ્પિટલોમાં સેવા આપી ચૂક્યા છે IAS પ્રદીપ ગવાંડે
– ટીના ડાબીએ તેમના અને પ્રદીપ ગવાંડેના પરિવાર વચ્ચેની સમાનતા જણાવી
IAS ટીના ડાબીએ જ્યારથી સોશિયલ મીડિયા પર IAS પ્રદીપ ગવાંડે સાથેની સગાઈની તસવીરો શેર કરી છે,ત્યારથી માત્ર તેમની જ ચર્ચા છે.ટીના ડાબીના આ બીજા જ્યારે પ્રદીપ ગવાંડેના પહેલા લગ્ન છે.એક ઈન્ટરવ્યૂમાં ટીના ડાબીએ તેમની મુલાકાત પ્રદીપ ગવાંડે સાથે કેવી રીતે થઈ તેના પર વાત કરી હતી.રાજસ્થાન કેડરના IAS ટીના ડાબી છેલ્લા બે-ત્રણ દિવસથી ચર્ચામાં છે.ટીના ડાબી ફરી એકવાર લગ્નના બંધનમાં બંધાવા જઈ રહ્યા છે.આ અંગેની જાણકારી તેમણે પોતે જ સોશિયલ મીડિયા પર સગાઈની તસવીરો શેર કરીને આપી હતી. IAS ટીના ડાબી IAS પ્રદીપ ગવાંડે સાથે લગ્ન કરવાના છે.તેમણે અગાઉ તેમની જ બેચના IAS અતહર ખાન સાથે લગ્ન કર્યા હતા. 2018માં તેઓ લગ્નના બંધનમાં બંધાયા હતા.જો કે, આ લગ્નજીવન વધારે સમય ચાલ્યું નહીં અને 2020માં તેમણે અલગ થવાનો નિર્ણય લીધો હતો. 2021માં ફેમિલી કોર્ટે તેમના ડિવોર્સ મંજૂર કર્યા હતા.ટીના ડાબી અને પ્રદીપ ગવાંડે 22 એપ્રિલ, 2022ના રોજ જયપુરની એક હોટેલમાં લગ્ન કરવાના છે.
ક્યાં થઈ ટીના ડાબી અને પ્રદીપ ગવાંડેની મુલાકાત?
IAS ટીના ડાબીએ એક ઈન્ટરવ્યૂમાં IAS પ્રદીપ ગવાંડે સાથે તેમની મુલાકાત કેવી રીતે થઈ તે વિશે જણાવ્યું હતું. ‘કોરોનાની બીજી લહેર દરમિયાન મે 2021માં હું અને પ્રદીપ હેલ્થ ડિપાર્ટમેન્ટમાં સાથે હતા.પહેલા અમે એકબીજાના સારા મિત્રો બન્યા. એકબીજા વિશે વધારે જાણવાનો પ્રયાસ કર્યો.બાદમાં, એકબીજાના પરિવાર સાથે મુલાકાત કરી અને તેમના વિશે પણ જાણ્યું.આ બધું એક વર્ષ સુધી ચાલ્યું અને બાદમાં અમે લગ્ન કરવાનો નિર્ણય લીધો’.
કોણ છે IAS પ્રદીપ ગવાંડે? જેમની સાથે IAS ટીના ડાબી કરવાના છે બીજા લગ્ન
ફિયાન્સે પ્રદીપ ગવાંડે વિશે વાત કરતાં ટીના ડાબીએ જણાવ્યું હતું કે, તેઓ લાતૂર જિલ્લાના છે.તેઓ ત્યાંથી IAS કરનારા ખૂબ ઓછા લોકોમાંથી એક છે.તેમનો પરિવાર પુણેમાં રહે છે.તેમણે સરકારી મેડિકલ કોલેજ ઓરંગાબાદમાંથી MBBS કર્યું છે.સાથે જ દિલ્હીની કેટલીક ટોપ હોસ્પિટલમાં પણ સેવા આપી છે.જે બાદ તેમણે દિલ્હીમાં રહીને UPSCની તૈયારી કરી હતી અને IAS બન્યા હતા. તેમના પરિવારમાં શું સમાનતા છે, તેના વિશે ટીના ડાબીએ જણાવ્યું હતું કે, ‘તેઓ પણ મારી જેમ અનુસૂચિત સમાજમાંથી આવે છે.મારા મમ્મી અને તેઓ એક જ સબ-કાસ્ટના છે’.
કોણ છે પ્રદીપ ગવાંડે?
જણાવી દઈએ કે, ટીના ડાબીના થનારા પતિ પ્રદીપ ગવાંડે 2013ની બેચના રાજસ્થાન કેડરના IAS અધિકારી છે.તેઓ મહારાષ્ટ્રના વતની છે અને ચુરૂ જિલ્લાના કલેક્ટર રહી ચૂક્યા છે.વર્તમાનમાં પ્રદીપ ગવાંડે રાજસ્થાનના પુરાતત્વ અને સંગ્રહાયના ડિરેક્ટરના પદ પર છે.ઉંમરમાં તેઓ ટીના ડાબી કરતાં 13 વર્ષ મોટા છે.આ તેમના પહેલા લગ્ન છે.
