કાશ્મીર ફાઈલ્સ ફિલ્મ બાદ કાશ્મીરી પંડિતોના કસાઈ ગણાતો બિટ્ટા કરાટે ચર્ચામાં આવ્યો હતો.બિટ્ટા કરાટેએ કાશ્મીરી પંડિતોની હત્યાની શરૂઆત પોતાના મિત્ર સતીશ ટિક્કુથી કરી હતી.તેણે ટીવી ઈન્ટરવ્યૂ દરમિયાન 20થી વધારે કાશ્મીરી પંડિતોની હત્યાની વાત કબૂલી હતી.હવે સતીશ ટિક્કુના પરિવારે કોર્ટમાં અરજી કરી હતી.કોર્ટે ફરીથી તેના પર સુાનવણી માટે તૈયાર પણ થઈ ગઈ છે.
કાશ્મીર ફાઈલ્સ ફિલ્મ બાદ બિટ્ટા કરાટે ફરી એકવાર ચર્ચામાં આવ્યો છે. 1990માં ઘાટીમાં કાશ્મીરી પંડિતોની હત્યા કરનાર ફારુક અહેમદ ડાર ઉર્ફે બિટ્ટા કરાટેના કેસની ફાઈલ ફરીથી ખોલવામાં આવી છે.આતંકી બિટ્ટા કરાટેએ એક ઈન્ટરવ્યૂમાં કહ્યું હતું કે, તેણે 20થી વધારે કાશ્મીરી પંડિતોને મોતને ઘાટ ઉતારી દીધા હતા.આતંકી બિટ્ટા કરાટેએ સૌથી પહેલાં સતીશ ટિક્કુની હત્યા કરી હતી.સતીશ ટિક્કુ તેનો ખાસ મિત્ર હતો,પણ પાકિસ્તાન સમર્થક લોકોનાં સંપર્કમાં રહ્યા બાદ બિટ્ટાએ ત્યાં સુધી કહી દીધું હતું કે, કાશ્મીરની આઝાદી માટે તે પોતાની માતા અને ભાઈનું ગળું પણ કાપી દેતો.હવે સતીશ ટિક્કુના પરિવારે કોર્ટમાં અરજી કરી હતી. કોર્ટે ફરીથી તેના પર સુાનવણી માટે તૈયાર પણ થઈ ગઈ છે.
સતીશ ટિક્કુના પરિવારની અરજી પર શ્રીનગરની કોર્ટ આજે સુનાવણી કરશે. બિટ્ટાનું અસલી નામ ફારૂકૃ અહેમદ ડાર છે. તેના પર આરોપ છે કે, તેણે 31 વર્ષ પહેલાં સતીશ ટિક્કુની હત્યા કરી અને પછી અનેક કાશ્મીરી પંડિતોને મોતને ઘાટ ઉતારી દીધા હતા.તેણે ટીવી પર અનેક હત્યાઓની વાત કબૂલી હતી. બિટ્ટા કરાટે 1987-88માં એલઓસી પાર કરીને પાકિસ્તાનમાં પ્રવેશ્યો હતો.આ એ સમય હતો કે, જ્યારે પાકિસ્તાને કાશ્મીરમાં અશાંતિ ફેલાવવા માટે યુવાનોને ગુમરાહ કરવાનું શરૂ કરી દીધું હતું. કાશ્મીરની આઝાદીના નામ પર આ યુવકોના હાથમાં હથિયાર આપી દેવામાં આવ્યા હતા.એવું કહેવાય છે કે, બિટ્ટા અને તેની સાથે પાકિસ્તાન જઈને ટ્રેનિંગ લેનાર કાશ્મીર યુવકોની આ પ્રથમ બેચ હતી.
બિટ્ટા કરાટેને કાશ્મીરી પંડિતોનો કસાઈ પણ કહેવામાં આવે છે.બાદમાં બિટ્ટાએ રાજનીતિમાં પ્રવેશી ગયો હતો અને શાંતિની વાતો કરવા લાગ્યો હતો.કાશ્મીર ઘાટીમાં હથિયાર ઉઠાવનારાઓની શરૂઆત કરનારાઓનાં લિસ્ટમાં બિટ્ટાનું નામ આવે છે.જમ્મુ-કાશ્મીર લિબરેશન ફ્રન્ટ (JKLF)નો ભાગ બન્યા બાદ બિટ્ટા કરાટેએ કાશ્મીરી પંડિતોની લોહીની નદીઓ વહેવડાવી હતી.તેણે પાકિસ્તાનના કબ્જા હેઠળના કાશ્મીરમાં જઈને ટ્રેનિંગ લીધી હતી. 1990માં જ્યારે પંડિતોનું સ્થળાંતર શરૂ થયું તો તેના પાછળ બિટ્ટાનો ખૌફ મોટું કારણ હતો.તેણે કેમેરા પર કબૂલ્યું હતું કે, તેણે કાશ્મીરી પંડિતોની હત્યા કરી અને તેને આમ કરવા માટે ટોપ કમાન્ડર્સ તરફથી ઓર્ડર મળ્યા હતા.
2006માં TADAની કોર્ટે આપ્યા જામીન
બિટ્ટા કરાટેએ હત્યાઓની શરૂઆત પોતાના મિત્ર અને બિઝનેસમેન સતીશકુમાર ટિક્કુથી કરી હતી.ટિક્કુના ઘરની સામે જ બિટ્ટાએ તેને ગોળીઓ ધરબીને મોતને ઘાટ ઉતારી દીધો હતો.મીડિયા રિપોર્ટમાં એવો દાવો કરવામાં આવે છે કે, બિટ્ટા શ્રીનગરના રસ્તાઓ પર બંદૂક લઈને ફરતો હતો અને જેવા જ કાશ્મીરી હિંદુ દેખાતાં ત્યાં જ તેમના પર ગોળીબાર શરૂ કરી દેતો હતો. 1991ના એક ટીવી ઈન્ટરવ્યૂમાં તેણે 20થી વધારે કાશ્મીરી પંડિતોની હત્યાની વાત કબૂલી હતી.તેણે એમ પણ કહ્યું હતું કે, હોઈ શકે છે કે 30-40થી વધારે પંડિતોના મોત નિપજ્યા હોય. 22 જાન્યુઆરી 1990ના રોજ સુરક્ષા દળો દ્વારા બિટ્ટાની ધરપકડ કરી દેવામાં આવી હતી.અને તે સમયે તેના પર 20 કેસ ચાલતા હતા. 16 વર્ષ સુધીનો સમય તેણે જેલમાં જ પસાર કર્યો. 2006માં ટાડાની કોર્ટે તેને જામીન આપતા કહ્યું હતું કે, પ્રોસિક્યુશન પક્ષ પૂરતા પુરાવાઓ આપવામાં નિષ્ફળ રહ્યું છે.
