દિલ્હી : કેન્દ્રીય નાણામંત્રી નિર્મલા સીતારમણ અમેરિકાની મુલાકાતે છે.આ દરમિયાન તેઓ ત્યાં વિવિધ બેઠકોમાં ભાગ લઈ રહ્યા છે.અહીં તેમણે આઇએમએફના એમડી ક્રિસ્ટલિના જ્યોર્જિવા સાથે મુલાકાત કરી અને ઘણા મહત્વપૂર્ણ મુદ્દાઓ પર ચર્ચા કરી હતી.આ દરમિયાન આઇએમએફએ શ્રીલંકાને મદદ કરવા બદલ ભારતની પ્રશંસા કરી હતી.આ દરમિયાન આઇએમએફએ ભારતની આર્થિક નીતિઓની જોરદાર પ્રશંસા કરી હતી.ક્રિસ્ટલિના જ્યોર્જિવાએ કહ્યું કે, શ્રીલંકાના ઈતિહાસના સૌથી મોટા આર્થિક સંકટનો સામનો કરવામાં ભારતની મદદ પ્રશંસનીય છે.વોશિંગ્ટન ડીસીમાં સીતારામન સાથે આઇએમએફ-વર્લ્ડ બેંકની સ્પ્રિંગ બેઠક દરમિયાન જ્યોર્જિવાએ આ ટિપ્પણી કરી હતી.આઇએમએફ ચીફ સાથેની વાતચીત દરમિયાન નાણામંત્રી નિર્મલા સીતારમણે રુસ-યુક્રેન યુદ્ધને કારણે વર્તમાન ભૌગોલિક રાજકીય પરિસ્થિતિ અંગે ચર્ચા કરી હતી.વૈશ્વિક અર્થતંત્ર પર તેની અસર, ઇંધણ અને વીજળીના ભાવમાં તીવ્ર વધારો મુખ્ય મુદ્દાઓ હતા.આ દરમિયાન આઇએમએફ ચીફે સારી રીતે લક્ષિત ભારતીય નીતિનો ઉલ્લેખ કર્યો, જેણે દેશની અર્થવ્યવસ્થાને મર્યાદિત નાણાકીય સાધનો સાથે પણ સ્થિતિસ્થાપક રહેવામાં મદદ કરી છે.
