ભાવનગર : એપ્રિલના અંતિમ શનિવારને પશુ ચિકિત્સક દિવસ તરીકે મનાવાય છે.૧૯૬૨ નિઃશુલ્ક પશુ સારવાર માટે ફરતી એમ્બ્યુલન્સ દ્વારા ભાવનગર જિલ્લાના ૧૧૮૮૪ કુતરાને ઉપરાંત ગાય, ભેસ અન્ય પશુઓને પણ સારવાર અપાઇ છે.આ દિવસે તાલીમ, રસીકરણ સહિતના કાર્યક્રમોનું આયોજન કરાયુ છે.વિશ્વભરમાં પ્રતિ વર્ષે એપ્રિલ માસના છેલ્લા શનિવારે, વિશ્વ પશુ ચિકિત્સક દિવસની ઉજવણી કરવામાં આવે છે.આ દિવસે વિશ્વભરના પશુ ચિકિત્સકો દ્વારા કરવામાં આવતાં પશુ પક્ષીઓના જીવન બચાવ કાર્યને પણ સન્માનિત કરવામાં આવે છે.
આ વર્ષે ૩૦મી એપ્રિલ, ૨૦૨૨ ના રોજ જી.વી.કે. ઈ.એમ.આર.આઈ. સંસ્થામાં કાર્યરત તમામ પશુ ચિકિત્સકો દ્વારા ઉજવણી કરવામાં આવેલ છે.જે અંતર્ગત વિવિધ સંગોષ્ટી, તાલીમ, રસીકરણ જેવાં વિવિધ પ્રોત્સાહિત કરતાં કાર્યક્રમોનું આયોજન કરવામાં આવેલ છે.ગુજરાત સરકાર અને જી.વી.કે. ઈ.એમ.આર.આઈ. સંયુક્ત ઉપક્રમે હાલમાં ૩૭ કરૂણા એનિમલ એમ્બ્યુલન્સ કાર્યરત છે.જે સવારના ૮ થી રાતના ૮ સુધી કાર્યરત હોય છે અને શહેર અથવા જિલ્લા મુખ્ય મથક ખાતે અસહારા પશુઓને સેવા પુરી પાડે છે.ભાવનગર જિલ્લામાં ૧૭૦૪૯ અનાથ અને અબોલ પશુઓની સારવાર કરવામાં આવેલ છે.જેમાં સૌથી વધારે ૧૧,૮૮૪ રખડતા કુતરાઓને સારવાર આપી પીડામાંથી મુક્ત કરેલ છે.
દસ ગામ દીઠ ફરતાં પશુ દવાખાના તરીકે દરરોજ જુદા જુદા ગામોમાં નિશ્ચિત સમયે જાય છે અને દરેક ગામમાં ઉભા રહીને ગામના પશુ ધનને સારવાર આપે છે.ગાય, ભેંસ, ઘેટા, બકરા જેવાં પાલતુ પ્રાણી જ નહીં પરંતુ શેરીમાં રખડતા કુતરાં કે અન્ય રેઢિયાર ઢોર તથા વન્ય પ્રાણીઓની પણ આ સેવા દ્વારા સારવાર કરાઇ રહી છે.આ સેવા અંતર્ગત અત્યાર સુધીમાં ૧,૪૦,૫૨૫ એનિમલને ઈમરજન્સીમાં સારવાર આપવામાં આવેલ છે.તેમજ શિડયુલ કેસમાં ગામમાં જઈને, ઘરે જઈને, વાડીએ જઈને, ખેતરે જઈને, તબેલામાં જઈને ૨૭,૯૭,૧૫૮ પશુધનને સારવાર આપવામાં આવેલ છે.અત્યાર સુધીમાં ૧૦ ગામ દીઠ એક ફરતું પશુ દવાખાનાની એમ્બ્યુલન્સ સવસમાં ૨૯,૩૭,૬૮૩ પશુધન ને સારવાર આપેલ છે.જેમાં ૭૧,૦૦૦ જેટલી સર્જરી કરીને અબોલા જીવને નવજીવન આપેલ છે.તેમજ ૩૭,૬૮૪ પશુઓની સલામત રીતે પ્રસૂતિ કરાવેલ છે.
