પલસાણામાં મોડી રાત્રે ગેંગવોરમાં ફાયરિંગ : ત્રણને ઇજા

પલસાણા : સુરત જિલ્લાના પલસાણા ખાતે મિત્રની દીકરીની બર્થડે પાર્ટીમાંથી અન્ય મિત્રને પોતાના ઘરે મુકવા ગયેલા યુવક સાથે સોસાયટીમાં બેઠેલા અન્ય યુવક સાથે બોલાચાલી થતા મારભારે યુવકે ફોન કરી અન્ય 8 મિત્રોને બોલાવતા જૂથ અથડામણ થતાં લાકડાના ફટકા લઈ આવેલા લુખ્ખા તત્વોએ 3 ને ઇજા પહોંચાડી તો એકે પોતાની પાસે રહેલા તમંચા વડે હવામાં એક રાઉન્ડ ફાયરિંગ કર્યું.મોડી રાતે જૂથ અથડામણ થતાં લોકો જાગી જતા તોફાનીઓ ભાગી છૂટ્યા હતા આ ઘટના સીસીટીવી કેમેરામાં કે થઈ હતી.આ સમગ્ર મામલે પોલીસ ઘટના સ્થળે પહોંચી 11 વિરુદ્ધ ગુન્હો નોંધી વધુ તપાસ હાથધરી છે

​​​​​​​
મળતી માહિતી અનુસાર પલસાણા ખાતે કાલાઘોડામાં સચિતાંનંદ મિલમાં ડ્રોમ ખાતામાં છેલ્લા 7 વર્ષીથી નોકરી કરતા સોનુ રામઅવધ શર્મા (ઉ.વ.23 હાલ રહે.108 સત્યમ કોમ્પ્લેક્ષ સી.એન.જી.પંપની બાજુમાં પલસાણા મૂળ રહે.ગંગાનગર ગલી.નંબર 13 થાના ગંગાઘાટ તાં.ઉન્નઆવ જી.કાનપુર) નાઓ રવિવારે મોડી રાતે મિત્ર રાજુ વર્માની દીકરી લાડલીના જન્મ દિવસમાં હાજરી આપવા મિત્ર તૈકિર ઇસરાર ખાન સાથે પોતાની મોટરસાયકલ GJ 19 BF 3637 લઈ ગયા હતા.મળસ્કે 2 વાગ્યા દરમિયાન સોનું મોટરસાયકલ પર મિત્ર તૌકિર ખાનને તેના ઘરે પરવેઝ પાર્કમાં નાગરાજ ભાઈની બિલ્ડિંગમાં મુકવા ગયો ત્યારે પરવેઝ પાર્કમાં પલસાણા ખાતે રહેતો તેના જુના મિત્ર અબ્દુલ આશિર છોટેલાલ અંશારી તેમજ પલસાણા સૂર્યશી રેસિડેન્સી ખાતે રહેતો કરણ વૈદ્ય પ્રકાશ ઉપાધ્યાય આવ્યા અને બંનેને ગાળો આપી તુમ લોગ પરવેઝ પાર્કમેં બીના વજહ લોગો કો ધમકાતે હો તુમ લોગ ભાઈ હો ક્યાં એમ કહી બનેને ઢીક મુક્કીનો માર મારવા લાગ્યા હતા.જે દરમિયાન સોનુનો મિત્ર તૌસિફ ખાન પઠાણ ત્યાં આવી બંનેને ઝગડો નહિ કરવા જણાવ્યું હતું જે દરમિયાન અબ્દુલ અંસારીએ કોઈકને ફોન કરતા 4 મોટરસાયકલ પર 8 લોકો લાકડાના ફટકા લઈ આવી આવી ચડ્યા હતા અને જે ટોળા પૈકી શ્રવણ ઉર્ફે વીનું કિશનભાઈ વાસફોડીયા (રહે.અંત્રોલી ભૂરી ફળિયું)નાએ પોતાની પાસે રહેલો તમંચો કાઢી એક રાઉન્ડ હવામાં ફાયરિંગ કર્યું હતું મોટરસાયકલ પર લાકડાના ફટકા લઈ આવેલા તમામ તૌકિર ખાન પર તૂટી પડ્યા હતા અને માથાના ભાગે તેમજ કમરના ભાગે ગંભીર ઈજાઓ પહોંચાડી હતી લડાઈનો અવાજ સાંભળી નજીક રહેતો મિત્ર શિવમસિંગ પણ ત્યાં દોડી આવ્યો હતો.જેને પણ આ તોફાની ટોળાએ માર માર્યો હતો તોફાનના અવાજથી આસપાસ લોકો જાગી જતા ત્યાં દોડી આવ્યા હતા અને લોકોને છોડાવ્યા હતા જો પોલીસ ફરિયાદ કરશો તો તમે બધાને જાનથી મારી નાખીશું એમ જણાવ્યું હતું લોહીલુહાણ થયેલા તૌકિર ખાનને 108ના મારફતે સુરત સ્મીમેર હોસ્પિટલમાં ખસેડવામાં આવ્યો હતો ઘટનાની જાણ પલસાણા પોલીસને થતા પલસાણા પોલીસે સોનુ શર્મા પાસેથી 11 ઈસમો વિરુદ્ધ ફરિયાદ લઈ આર્મ્સ એકટ સહિતની વિવિધ ધારાઓ હેઠળ ગુન્હો નોંધી વધુ તપાસ હાથધરી છે.આ જૂથ અથડામણમાં ઇજાગ્રસ્ત થયેલા તૌરિક ખાનનાં ખિસ્સામાં રહેલા 12 હજાર રૂપિયા અબ્દુલ અંસારીએ કાઢી લીધા હોવાનો આરોપ પોલીસ ફરિયાદમાં કર્યો હોવાનું જાણવા મળ્યું હતું.પલસાણા પી.એસ.આઈ.એ ફરિયાદના આધારે માથાભારે તત્વોને પકડવાની તજવીજ હાથધરી છે

ફાયરિંગ કરનાર શ્રવણ ગુનાહિત ઇતિહાસ ધરાવે છે

આરોપી પૈકીની માથાભારે રોહિત વાસફોડીયા થોડા મહિના અગાઉ ગંભીર ગુન્હામાં પોકસો એકટ હેઠળની સજા ભોગવી થોડા દિવસો અગાઉ જેલ માંથી છૂટ્યો હોવાનું જણાઈ આવ્યું હતું તેમજ તમંચા વળે હવામાં ફાયરિંગ કરનાર શ્રવણ ઉર્ફ વીનું વાસફોડીયા પણ ગંભીર ઇતિહાસ ધરાવતો હોવાનું જાણવા મળ્યું હતું.

આ વ્યક્તિઓ વિરુદ્ધ ગુનો નોંધાયો

શ્રવણ ઉર્ફે વિનુ કિશનભાઇ વાંસફોડીયા રહે.અંત્રોલી ગામ તા – પલસાણા જીલ્લો – સુરત

રોહિત વાંસફોડીયા રહેવાસી – અંત્રોલી ગામ તા – પલસાણા જીલ્લો – સુરત

અબ્દુલ્લાહ આશીફ છોટેલાલ અંસારી રહેવાસી – પલસાણા

કરણ વૈધપ્રકાસ ઉપાધ્યાય રહેવાસી સુર્યાન્સી રેસીડેન્સી પલસાણા

ચંદન રામ યાદવ રહેવાસી – મેઘા પ્લાઝા પલસાણા

રાહુલ રામુ યાદવ રહેવાસી – મેધા પ્લાઝા પલસાણા

રવિ વિજય ચૌહાણ રહેવાસી – મેઘા પ્લાઝા પલસાણા

આકાસ ઉર્ફે લાલીયો રહેવાસી – પલસાણા

શંતુ ઉર્ફે તાતીયા રહેવાસી – મેઘા પ્લાઝા પલસાણા

ગોપાલ વાંસફોડીયા રહેવાસી – પલસાણા

સંજય ઉર્ફે રાવણ મિશ્રા રહેવાસી – મેઘાપ્લાઝા પલસાણા