બારડોલી : સુરત જિલ્લાના પલસાણા તાલુકાનાં અંત્રોલી ગામની સીમમાં એક ખેતરમાંથી અજાણ્યા પુરુષનો મૃતદેહ મળી આવતા પોલીસે આગળની કાર્યવાહી હાથ ધરી છે.પ્રાપ્ત વિગત મુજબ પલસાણા તાલુકાનાં અંત્રોલી ગામની સીમમાં આવેલ કેનાલને અડીને સામેની બાજુએ કિશોરસિંહ ભગવાનસિંહ દેવધરાનું બ્લોક નં.૧૩૭ વાળું ખેતર આવેલ છે.આ ખેતરની પાળીની બાજુમાંથી એક અજાણ્યો પુરુષનો મૃતદેહ મળી આવ્યો હતો.જે અંગે દીપકભાઈ બુધિયાભાઈ આહીરે કડોદરા પોલીસને જાણ કરતાં તેઓ સ્થળ ઉપર પહોંચ્યા હતા.મૃતક અજાણ્યો પુરુષ 35 થી 40 વર્ષની ઉંમરનો જણાતો હતો.જેના શરીરે કીડીઓ-મકોડા ફરી વળેલ અને શરીરે જેણે સફેદ કલરની શેડો બનિયાન પહેરેલ અને રીંગણીયા કલરનો હાફ ચડ્ડો પહેરેલ હોય અને ગરમીના કારણે ચામડી કાળી પડી ઉપસી આવેલ અને મોંઢાના ભાગે કીડીઓ ફરી વળેલ અને ચહેરો કાળો પડી ગયો છે.પોલીસે મૃતદેહનો કબ્જો લઈ તેના સગા સંબંધીની શોધખોળ હાથ ધરી છે.
