મુંબઈ : અંડરવર્લ્ડ ડૉન દાઉદ ઈબ્રાહિમ કરાચીમાં છે.તેની બહેન હસીના પારકર પણ તેની સાથે નાણાકીય લેવડદેવડ કરતી હતી.આ વાતનો ખુલાસો દાઉદની બહેન હસીના પારકરના પુત્ર અલીશાહે તપાસ એજન્સી EDની પૂછપરછ દરમિયાન કર્યો હતો.અલીશાહે કહ્યું,“દાઉદ ઈબ્રાહીમ મારા મામા છે,તે 1986 સુધી મુંબઈમાં રહેતા હતા અને હવે કરાંચીમાં છે અને તેમના પરિવાર સાથે અમારો સંબંધ છે.તેમની પત્ની મેહજબીન દાઉદ ઈબ્રાહીમ,મારા મામી,અમારા સંપર્કમાં છે.ઈદ,દિવાળી અને અન્ય તહેવારોએ મારી પત્ની અને બહેનો તેમની સાથે પ્રસંગોપાત વાત કરે છે.”અલીશાહે વધુમાં જણાવ્યું હતું કે તેની માતા હસીના પારકરનો દાઉદ ઈબ્રાહિમ સાથે નાણાકીય વ્યવહાર હતો.પરિવારના સભ્યો અવારનવાર વાત કરતા હતા.તેના કહેવા પ્રમાણે,સલીમ પટેલ તેની માતાના સહયોગીઓમાંનો એક હતો. પટેલ ડુંગળીના વેપારી હતા અને તેમની માતા સાથે મિલકતના સોદામાં સંકળાયેલા હતા.તેણે ગોવાલા બિલ્ડિંગ વિવાદનું નિરાકરણ કર્યું હતું અને ત્યાં ઓફિસ ખોલીને કમ્પાઉન્ડના અમુક ભાગનો કબજો મેળવી લીધો હતો.બાદમાં હસીના પારકરે તેનો કંટ્રોલિંગ શેર નવાબ મલિકને વેચી દીધો.જોકે,અલીએ કહ્યું છે કે તેને નવાબ મલિક દ્વારા તેની માતા અને પટેલને આપવામાં આવેલા પૈસાની જાણ નથી.
જણાવી દઈએ કે ઈડીએ મની લોન્ડરિંગ કેસમાં મહાવિકાસ અઘાડી સરકારના મંત્રી નવાબ મલિકની ધરપકડ કરી છે.નવાબ મલિક અને દાઉદની બહેન હસીના પારકર પર પણ ગોવાલા પ્રોપર્ટી ઓછી કિંમતે હડપ કરવાનો આરોપ છે.
