મુંબઈ : સિંગર કેકેની અંતિમ વિધિ આવતીકાલે મુંબઈ ખાતે યોજાશે.કોલકત્તામાં તેમના પાર્થિવ દેહને ગન સેલ્યુટ અપાઈ હતી.બાદમાં મૃતદેહ મુંબઈ લાવવાની કાર્યવિધિ હાથ ધરવામાં આવી હતી.કોલકત્તાના નઝરુલ મંચ ખાતે એક કોલેજ ઓડિટોરિયમમાં કોન્સર્ટ વખતે કેકેની તબિયત બગડી હતી.બાદમાં હોટલ ખાતે ખસેડાયા પછી તેમનું મોત નીપજ્યું હતું.કેકેના પત્ની જ્યોતિ અને સંતાનો દિલ્હીથી કોલકત્તા પહોંચ્યા હતા.ત્યાં પોસ્ટમોર્ટમ સહિતની કાનૂની અને તબીબી ઔપચારિકતાઓ બાદ તેઓ કેકેના મૃતદેહ સાથે મુંબઈ આવવા રવાના થયા હતા.મુંબઈના વરસોવા વિસ્તારમાં પાર્ક પ્લાઝા કોમ્પ્લેક્સમાં કેકેનું ઘર છે.તેમના ઘરની નજીકનાં વરસોવા મુક્તિધામ ખાતે અંતિમ વિધિ યોજાશે તેમ જાણવા મળ્યું છે.આ અગાઉ કેકેનો પાર્થિવ દેહ કોલકત્તાથી રવાના થયો તે પહેલાં રવિન્દ્ર સદન ખાતે તેને ગન સેલ્યુટ્ આપવામાં આવી હતી.મુખ્યપ્રધાન મમતા ેબેનરજીએ ખુદ ઉપસ્થિત રહી કેકેને આખરી વિદાય આપી હતી.કોલકત્તા પોલીસનાં ન્યૂ માર્કેટ પોલીસ મથકે કેકેના આકસ્મિત મૃત્યુની નોંધ કરી તપાસ હાથ ધરવામાં આવી છે.
