સુરત : સુરતમાં કોરોનામાં કેસમાં ધીરે ધીરે ઉછાળો આવી રહ્યો છે.જોકે સિટીમાં ગુરૃવારે નવા 9 અને જીલ્લામાં 1 દર્દી મળી 10 દર્દી કોરોનામાં સપડાયા છે.જયારે બે દર્દીને રજા આપી છે.આરોગ્ય વિભાગ પાસેથી મળેલી વિગત મુજબ સુરત સિટીમાં ગુરૃવારે કોરોનામાં નવા નવ કેસ નોધાયો છે.જેમાં પાર્લે પોઇન્ટનના 71 વર્ષીય વૃધ્ધા,ગોડાદરાના 47 વર્ષીય આધેડ,કતારગામનો 26 વર્ષીય યુવાન,મજુરાગેટના 62 વર્ષીય વૃધ્ધા,ઉધનનો 15 વર્ષીય વિધાર્થી,વડોદની 20 વર્ષીય મહિલા,લિંબાયતનો 18 વર્ષીય યુવાન,પાલનપુર જકાતનાકાના 30 વર્ષીય મહિલા અને પાલના 56 વર્ષીય પ્રોઢ ઝપેટમાં આવ્યા હતા.જયારે સિટીમાં બે દર્દીને રજા આપવામાં આવી છે.સિટીમાં 36 એકટીવ કેસ પૈકી બે દર્દી હોસ્પિટલમાં દાખલ છે.આ ઉપરાંત સુરત જીલ્લામાં ઓલપાડમાં એક કેસ નોધાયો છે.જયારે જીલ્લામાં પાંચ એકટીવ કેસ થયા છે.
