બારડોલી : સુરત જિલ્લાના માંડવી તાલુકાનાં કરંજ જી.આઈ.ડી.સી વિસ્તારમાંથી ગેરકાયદે બાયોડિઝલ વેચવાનું સૌથી મોટું નેટવર્ક ઝડપાયું હતું.કરંજ જી.આઈ.ડી.સી વિસ્તારમાં આવેલ સીબ્લ લૂબ્રીકન્ટ તથા લીવા લૂબ્રીકન્ટ નામની ફેક્ટરીમાં બ્લોક નંબર-90 તથા પ્લોટ નંબર 1,2 અને 3 માં માંડવી પોલીસે રેડ કરી હતી.રેડ દરમ્યાન પોલીસે લાખો લિટર બાયોડિઝલનો જથ્થો તેમજ બે ટેન્કર,મશીનરીઓ મળી કુલ રૂ.1,77,14,100 ના મુદ્દામાલ સાથે 3 આરોપીની પણ પોલીસે ધરપકડ કરી હતી.
રાજ્યમાં બાયોડિઝલના વેચાણ પર પ્રતિબંધ છતાં બે રોકટોક પણે બાયોડિઝલનું વેચાણ ચાલી રહ્યું છે.ત્યારે આવાજ એક નેટવર્કનો માંડવી પોલીસે પર્દાફાશ કર્યો હતો.માંડવી તાલુકાના કરંજ ગામની સિમમાં આવેલ સીબ્લ લૂબ્રીકન્ટ તથા લીવા લૂબ્રીકન્ટ નામની ફેક્ટરીમાં બ્લોક નંબર-90 તથા પ્લોટ નંબર 1,2 અને 3 માં આ વેપલો ચાલતો હોવાની બાતમી માંડવી પી.આઈ એચ.બી.પટેલને મળી હતી.જે હકીકતના આધારે માંડવી પોલીસે રેડ કરી હતી.અને સ્થળ પર થી બાયોડિઝલ જ્વલનશીલ પ્રવાહી અંદાજે 1,12,500,વેસ્ટેજ ઓઇલનો જથ્થો 1,04,000,બે ટેન્કર, 18 નંગ કેરબામાંથી 630 લિટર જ્વલંતશીલ પ્રવાહી,નાની મોટી ટેન્કો,મોબાઈલ ફોન વગેરે મળી કુલ.રૂ,1,77,14,100 ના મુદ્દામાલ સાથે અમીન ઇકબાલ ઉર્ફે અસલમ તૈલી(રહે,રોયલપાર્ક સોસાયટી,પાલોદ ગામ,કીમ ચોકડી)
અસગર અહમદ અબ્દુલ મજીદ(રહે,કુર્લા,મુંબઈ,મહારાષ્ટ્ર,મૂળ રહે,જમીનપસરા,યુ.પી)અવધેશ લાલ્તાપ્રસાદ યાદવ(રહે,કથકૌલી,જી-સુલ્તાનપુર,યુ.પી)ને ઝડપી પાડ્યા હતા.જ્યારે આ ગુનામાં સંડોવાયેલ ઇકબાલ ઉર્ફે અસલમ ઉમર તૈલી ને વોંટેડ જાહેર કરી ગુનો નોંધી આગળની કાર્યવાહી હાથ ધરી છે.
