અમદાવાદ : બુધવાર : પૂર્વમાં દિન પ્રતિદિન છેડતીના બનાવોમાં ચિંતાજનક વધારો થઇ રહ્યો છે,સરદારનગરમાં ગઇકાલે રાતે વિધવા મહિલા પોતાની દિકરી સાથે ઘર આગળ બેઠી હતી આ સમયે પડોશમાં રહેતા શખ્સ દારુ પીને આવ્યો હતો અને મહિલા સામે અશ્લિલ ઇશારા કર્યા બાદ મહિલાને બાથ ભીડીને છેડતી કરી હતી.આ બનાવ અંગે સરદારનગર પોલીસે પિતા-પુત્ર સામે ગુન નોંધી વધુ તપાસ હાથ ધરી છે.
આ બનાવની વિગત એવી છે કે સરદારનગર વિસ્તારમાં ૫૫ વર્ષની વિધવા મહિલા પોતાની જવાન જોધ દિકરી સાથે રહે છે.ગઇકાલે રાતે૧૦ વાગે ગરમીના કારણે માતા-પુત્રી તથા પડોશી મહિલા પોતાના ઘર પાસે બેઠા હતા.આ સમયે પડોશમાં રહેતો શખ્સ દારુ પીને ત્યાં આવ્યો હતો અને વિધવા સામે અશ્લિલ ઇશારા કરતો હતો એટલું જ નહી મહિલા કંઇ વિચારે તે પહેલા નશામાં ચૂર શખ્સ મહિલા સામે ધસી આવ્યો હતો અને મહિલાને બાથ ભીડીને છેડતી કરીને લાજ લેવાનો પ્રયાસ કર્યો હતો.આ બનાવનો હોબાળો મચતાં આરોપીનો પુત્ર પણ દોડી આવ્યો હતો અને મહિલાને ગાળો બોલી હતી.આ બનાવ અંગે સરદાનગર પોલીસ પિતા-પુત્ર સામે ગુનો નોેંધી વધુ તપાસ હાથ ધરી છે.
ઉલ્લેખનીય છે કે બે દિવસ પહેલા જશોદાનગરમાં વિકૃત માનસિક ધરાવતા પડોશી યુવકે બાળકીને પોતાના ઘરમાં બોલાવીને તેણીને મોબાઇલ કરવા આપ્યો હતો અને બાળકી સાથે શારિરીક અડપલા કર્યા હતા.આ બનાવ અંગે વટવા પોલીસે છેડતીનો ગુનો નાધ્યો હતો તેમજ સરદાનગરમાં રહેતી સગીરા સાથે સોશિયલ મિડિયાના માધ્યમથી મિત્ર બનીને યુવકે સગીરાને નરોડા મીની કાંકરીયા પાસે બોલાવીને અવાર નવાર દુષ્કર્મ આચર્યું હતું.ઉપરાંત કુબેનગરમાં પિતરાઇ ભાઇએ ૧૬ વર્ષની સગીર બહેનની છેડતી કરી હતી અને પોતાના મોબાઇલમાં પાડેલા ફોટા વાઇરલ કરવાની ધમકી આપી હતી એટલું જ નહી સગીરાના પરિવારને જાનથી મારી નાંખવાની ધમકી આપી હતી.
