સુરત : સુરતના સગરામપુરા વિસ્તારની તરૂણીને પ્રેમજાળમાં ફસાવી તું મારી સાથે ડુમ્મસ નહીં આવે તો તારી સગાઇ તોડાવી નાંખીશ એમ કહી બ્લેકમેલ કરી ડુમ્મસ લઇ જઇ મુખ મૈથુન કરાવી વિડીયો વાઇરલ કરવાની ધમકી આપી તું મારી સાથે લગ્ન નહીં કરે તો તારા કયાંય લગ્ન થવા દઇશ નહીં તેવી ધમકી આપ્યાની ફરીયાદ અઠવાલાઇન્સ પોલીસમાં નોંધાય છે.શહેરના સગરામપુરા વિસ્તારમાં રહેતા નાદીરા (ઉ.વ.17 નામ બદલ્યું છે)અને તેની નાની બહેન સાથે ગત તા. 10 જૂને ઘર નજીક રહેતી દાદીના ઘરે સુવા ગઇ હતી.પરંતુ વહેલી સવારે નાદીરા ઘરમાંથી ગાયબ થઇ ગઇ હતી અને સગરામપુરા ચોગાન શેરીમાંથી મળી આવી હતી.
માતા-પિતા સમક્ષ નાદીરાએ મંગેતરને મળવા ગઇ હોવાનું કહ્યું હતું.પરંતુ માતા-પિતાને શંકા જતા વારંવાર પૂછપરછ કરતા પ્રેમી જાસીમ સલીમ શેખ(ઉ.વ.22 રહે.ચોગાન શેરી,સગરામપુરા)ને મળવા ગઇ હોવાનું જણાવ્યું હતું.નાદીરાએ માતા-પિતા સમક્ષ એવી પણ કબૂલાત કરી હતી કે તે સ્કૂલમાં અભ્યાસ કરતી હતી ત્યારે જાસીમ સાથે પ્રેમસંબંધ બંધાયો હતો.દરમિયાનમાં માર્ચ 2022 માં તું મારી સાથે ડુમ્મસ ફરવા નહીં આવે તો તારા જયાં લગ્ન નક્કી થયા છે તેને હું જાણ કરી દઇશ એમ કહી બ્લેકમેલ કરી ડુમ્મસ ફરવા લઇ ગયો હતો.જયાં દરિયા કિનારે ઝાડીમાં લઇ જઇ મુખ મૈથુન કરાવી તેનો વિડીયો ઉતાર્યો હતો અને વાઇરલ કરવાની ધમકી આપી વારંવાર મળવા બોલાવતો હતો.
નાદીરાની આબરૂ બચાવવા માતા-પિતાએ જાસીમને મળી તેના મોબાઇલમાંથી વિડીયો અને નાદીરાના ફોટો ડિલીટ કરાવી દીધા હતા.પરંતુ જાસીમે નાદીરાના મંગેતરને સમગ્ર બાબતની જાણ કરી દેતા સગાઇ તૂટી ગઇ હતી અને જાસીમ વારંવાર ધમકી આપતો હતો કે તું મારી સાથે લગ્ન નહીં કરે તો હું તારા લગ્ન કયાંય થવા દઇશ નહીં.જેથી છેવટે જાસીમની પોલીસે ધરપકડ કરી છે.
