ઉદયપુર : રાજસ્થાનના ઉદયપુરમાં દરજીકામ કરતા કન્હૈયાલાલની હત્યાના વિરોધમાં ગરુવારે મોટી સંખ્યામાં લોકો વિરોધ પ્રદર્શનમાં જોડાયા હતા.આ દરમિયાન ભારે સુરક્ષા વ્યવસ્થા વચ્ચે નીકળેલા જૂલુસ વખતે દેખાવકારોએ ભગવો ઝંડો લહેરાવ્યો હતો.લોકોમાં ભારે ગુસ્સો ફૂટી નીકળ્યો છે.જુલૂસ દરમિયાન પથ્થર ફેંકવાના અહેવાલ સામે આવતા તણાવની પરિસ્થિતિ પેદા થઈ છે.એ દરમિયાન રાજ્યના મુખ્યમંત્રી અશોક ગહેલોત મૃતકના પરિવારજનોને મળ્યા હતા અને તેમને સાંત્વના આપી હતી.પરિવારજનોએ ઝડપથી ન્યાય અપાવવાની સાથે સાથે તેમને સુરજ્ઞા મળી રહે તેની પણ માગણી કરી હતી.આ હત્યાકાંડના વિરોધમાં લગભગ 1000થી વધુ દેખાવકારોએ ભગવો ઝંડો હાથમાં લઈને ન્યાય માંગવાની સાથે સૂત્રોચ્ચાર કર્યો હતો.
