બારડોલી : કડોદરાથી સુરત જતાં રોડ પર બસ સ્ટેન્ડની સામે રોડ ક્રોસ કરતી વખતે એસ.ટી.બસની અડફેટે આવી જતાં યુવકનું સારવાર દરમ્યાન મોત થયું હતું.આ અંગે મળતી માહિતી અનુસાર કડોદરાના અરિહંત પાર્ક કહતે રહેતો અને મૂળ બિહારનો રહેવાસી દેવકી નંદન રાય રવિવારે સવારે કડોદરા બસ સ્ટેન્ડની સામે કડોદરા–સુરત રોડ ક્રોસ કરી રહ્યો હતો તે સમયે એસ.ટી.બસ નંબર જીજે 18 ઝેડ 7016ના ચાલકે તેને અડફેટમાં લીધો હતો.માથા અને બંને પગે ઇજા થતાં સારવાર અર્થે સુરતની સ્મીમેર હોસ્પિટલમાં ખસેડવામાં આવ્યો હતો.જ્યાં સારવાર દરમ્યાન મોત થયું હતું.મૃતકના મિત્રએ એસ.ટી.બસના ચાલક વિરુદ્ધ ફરિયાદ આપતા કડોદરા GIDC પોલીસે ગુનો નોંધી આગળની તપાસ હાથ ધરી છે.
