મુંબઈ : તા.11 જુલાઈ 2022,સોમવાર : હાર્દિક પંડ્યાનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે.આ વીડિયોમાં હાર્દિક અપશબ્દો બોલતો જોવા મળ્યો છે.તે કોને અપશબ્દો બોલી રહ્યો છે તે સ્પષ્ટ નથી પરંતુ સાંભળ્યા બાદ લોકો પોતાની વિવિધ પ્રતિક્રિયાઓ આપી રહ્યા છે.કેટલાક લોકોનું માનવું છે કે,તે રોહિતથી નાખુશ છે તો કેટલાક લોકોનું માનવું છે કે તે વિરાટને અપશબ્દો બોલી રહ્યો છે.જાણો શું છે વાયરસ થઈ રહેલ વીડિયોની હકીકત…આ ઘટના બીજી T20 મેચ દરમિયાન ભારતની બોલિંગની ચોથી ઓવર સમાપ્ત થયા બાદની હોવાનું સામે આવ્યું છે.તે મેચમાં પંડ્યાએ ઈનિંગની ચોથી ઓવર ફેંકી હતી. આ વીડિયોમાં પંડ્યા એક ફિલ્ડર પર બૂમો પાડતો સાંભળવા મળે છે અને કહે છે કે જ્યારે તે બોલિંગ કરી રહ્યો હોય ત્યારે ફિલ્ડરે તેની વાત સાંભળવી જોઈએ બીજા કોઈની નહીં.
