ઘણીવાર એવું જોવામાં આવ્યું છે કે સત્તાધારી પક્ષની નીતિઓનો વિરોધ કરતી વખતે કેટલાક વિપક્ષી પક્ષો દેશ/રાષ્ટ્રની વિરુદ્ધ ઊભા રહી જતા હોય છે.આનું તાજેતરનું ઉદાહરણ આમ આદમી પાર્ટી અને લેફ્ટ પાર્ટીએ રજૂ કર્યું છે.વાસ્તવમાં બંનેના સત્તાવાર ટ્વિટર હેન્ડલ પર રાષ્ટ્રધ્વજ ત્રિરંગો ક્યાંય દેખાતો નથી.આ રાજકીય પક્ષો ત્રિરંગાને સહન કરતા નથી એમ કહેવું કદાચ ખોટું નહીં હોય.આખો દેશ અત્યારે આઝાદીની 75મી વર્ષગાંઠના અમૃત મહોત્સવની ઉજવણી કરી રહ્યો છે.આવા સમયે પણ તેમના જેવા કેટલાક રાજકીય પક્ષો તેમની ક્ષુદ્ર રાજકીય વિચારસરણીને કારણે તિરંગા સાથે સહજ નથી ભાસી રહ્યા.
સૌથી પહેલા વાત કરીએ દિલ્હીના મુખ્યમંત્રી અરવિંદ કેજરીવાલના રાજકીય પક્ષ આમ આદમી પાર્ટીની, જે પોતાને પ્રખર દેશભક્ત કહે છે.જોવા જેવી વાત છે કે પાર્ટીના ઓફિશિયલ ટ્વિટર એકાઉન્ટ તેમજ દિલ્હી,ગોવા અને ગુજરાતના ટ્વિટર હેન્ડલ પર રાષ્ટ્રધ્વજ ક્યાંય જોવા મળી રહ્યો નથી.તેવી જ રીતે આ પાર્ટીના ઘણા મોટા નેતાઓના ટ્વિટર એકાઉન્ટ પર પણ તિરંગાનું નામો નિશાન પણ જોવા મળ્યું નથી.જેમાં સંજય સિંહ અને નરેશ બાલ્યાનના નામ સામેલ છે.
નોંધનીય છે કે સીપીઆઈ એટલે કે કમ્યુનિસ્ટ પાર્ટી ઓફ ઈન્ડિયાના સત્તાવાર ટ્વિટર હેન્ડલ તેમજ કેરળ અને પુડુચેરીના ટ્વિટર હેન્ડલ પર રાષ્ટ્રધ્વજ ત્રિરંગો દેખાતો નથી.
આ સ્વતંત્રતા ખોટી છે: CPI
ઉલ્લેખનીય છે કે આઝાદીના 74 વર્ષ પૂરા થયા ત્યાં સુધી સીપીઆઈ જ હતી જે આઝાદીને જુઠ્ઠું કહેતી હતી.ગયા વર્ષે 15 ઓગસ્ટ 2021ના રોજ 74 વર્ષ પછી આ પાર્ટીએ દિલ્હી અને પશ્ચિમ બંગાળમાં સ્થિત તેના કાર્યાલયો અને અન્ય કાર્યાલયોમાં ત્રિરંગો ફરકાવ્યો હતો.નોંધનીય છે કે અત્યાર સુધી કમ્યુનિસ્ટ પાર્ટી દેશભરમાં ‘યે આઝાદી જૂઠી હૈ’ ના નારા આપી રહી હતી.હવે ફરીવાર સોશ્યિલ મીડિયા પર તિરંગાને પ્રોફાઈલ ફોટા તરીકે ન મુકીને તેમણે પોતાનો રાષ્ટ્રવિરોધી વિચાર વ્યક્ત કર્યો છે.
