– એક જ દિવસમાં વધુ ત્રણ ગિનિસ બુક ઓફ રેકોર્ડ પોતાના નામે કર્યા
– વિસ્પી ખરાદીએ 11 વર્ષ જૂના ગિનિઝ બુક ઓફ વર્લ્ડ રેકોર્ડને બ્રેક કર્યો
– અત્યાર સુધી ક્યારેય નહીં બન્યો હોય એવા બે વિશ્વ રેકોર્ડ સ્થાપિત કર્યા
વધુ એક વખત દેશનું ગૌરવ સુરતીએ વધાર્યું છે. જ્યાં માર્શલ આર્ટ ક્ષેત્રે વૈશ્વિક સ્તરે નામના અપાવનાર વિસ્પી ખરાદી દ્વારા સુરતમાં એક જ દિવસમાં વધુ ત્રણ ગિનિસ બુક ઓફ રેકોર્ડ પોતાના નામે કર્યા છે.વિસ્પિ ખરાદીએ મંગળવારે 11 વર્ષ જૂના ગિનિઝ બુક ઓફ વર્લ્ડ રેકોર્ડને બ્રેક કર્યો હતો અને અત્યાર સુધી ક્યારેય નહીં બન્યો હોય એવા બે વિશ્વ રેકોર્ડ સ્થાપિત કર્યા છે.માર્શલ આર્ટ ક્ષેત્રે સુરતને વૈશ્વિક સ્તરે નામના અપાવનાર વીસ્પી ખરાદી વધુ એક વખત એક બે નહીં પણ ત્રણ – ત્રણ વિશ્વ રેકોર્ડ સ્થાપિત કર્યા છે. તેમની આ સિદ્ધિમાં ઇન્ડિયા ના યુથ અને ફિટનેશ આયકન સાહીલ ખાન સામેલ હતા.આજ રોજ સરસાણા ડોમ ખાતે તેઓએ ગિનીઝ બુક ઓફ વર્લ્ડ રેકોર્ડ માં નોંધાયેલા 11 વર્ષ જૂના ગિનીઝ બુક ઓફ વર્લ્ડ રેકોર્ડ ને બ્રેક કર્યો હતો તો અત્યાર સુધી ક્યારેય નહી બન્યા હોય એવા બે વિશ્વ રેકોર્ડ સ્થાપિત કર્યા છે.
વીસ્પી ખરાદીએ અત્યાર સુધી તેઓ ખતરનાક કરતબો કરીને સાત વિશ્વ રેકોર્ડ બનાવી ચૂક્યા છે. જ્યારે વધુ ત્રણ વિશ્વ રેકોર્ડ સ્થાપિત કર્યા છે.જેમાં પહેલો વિશ્વ રેકોર્ડ એક મિનિટમાં સૌથી વધુ ડ્રીંક કેન (ટીન) હાથ થી તોડવાનો હતો.આ પહેલા આ ગિનીઝ બુક ઓફ વર્લ્ડ રેકોર્ડ મુહમ્મદ કહરીમાનોવિક નામે હતો,જેમને વર્ષ 2011 માં એક મિનિટમાં 74 કેન હાથ થી તોડ્યા હતા.આ કરતબ માં ગિનીઝ બુક ઓફ વર્લ્ડ રેકોર્ડ દ્વારા આપવામાં આવેલ ડેંસિટી અને સાઇઝ ના સિમેન્ટમાં બ્લોક્સ મુકવામાં આવ્યા હતા અને એક સાથે ઓછામાં ઓછા 51 બ્લોક્સ કોણી થી તોડવાના હતા,જે કરતબ સફળતા પૂર્વક પૂર્ણ કરવામાં આવ્યું હતું.જ્યારે ત્રીજો રેકોર્ડ હેવીએસ્ટ કોંક્રિટ બ્લોક્સ બ્રોકન ઓન બેડ ઓફ નેલ્સ સેન્ડવિચ નો હતો.જેમાં વિસ્પીની ઉપર અને નીચે ખીલાઓનું પ્લેટફોર્મ હતું અને સેન્ડવિચ ની જેમ વિસ્પી વચ્ચે સૂતેલો હતો.તેમની છાતીની ઉપર 525 કિલોનો કોંક્રિટ બ્લોક મુકવામાં આવ્યો હતો અને ખુદ સાહિલ ખાને આ બ્લોક હથોડા થી તોડ્યો હતો.આ કરતબમાં કોઈ ટાઈમ લિમિટ નહોતી.
આ વિશે વીસ્પી ખરાદીએ જણાવ્યું હતું કે, આ સમગ્ર ઇવેન્ટ ને ડી વાઈન ન્યુટ્રેશનના ઓનર હિરેનભાઈ દેસાઈ, કેપી ગ્રુપના ઓનર ફારુક પટેલ અને ઇન્ડિયા ના યુથ અને ફિટનેશ આયકન સાહીલ ખાન દ્વારા સંપૂર્ણ સહયોગ મળ્યો હતો અને આ ત્રણેય મહાનુભાવો દ્વારા ઇવેન્ટના અંતે વીસ્પી ખરાડી ને સ્ટીલ મેન ઓફ ઇન્ડિયાનું ટાઇટલ આપી સન્માનિત કરવામાં આવ્યો હતો.
