જલંધર : જલંધરમાં મોટી ઘટના સામે આવી રહી છે.મહિતપુરમાં આગ લાગવાના કારણે એક જ પરિવારના પાંચ સભ્યો ભડથૂ થયા છે.આ આગમાં બે માસૂમ બાળકો,એક વૃદ્ધ અને 2 મહિલાઓએ પોતાનો જીવ ગુમાવ્યો છે.પોલીસ તપાસમાં જાણવા મળ્યું કે જમાઈએ જ આગ લગાવી છે.મળતી માહિતી મુજબ જમાઈને ડ્રગ્સની લત છે.આરોપીઓએ રાત્રે પેટ્રોલ છાંટીને ઝૂંપડીને આગ લગાડી હતી.
મૃતકોના મૃતદેહને પોસ્ટમોર્ટમ માટે સિવિલ હોસ્પિટલ, નકોદર ખાતે મોકલી આપવામાં આવ્યા છે.મૃત્યુ પામેલા બાળકોની ઉંમર 5 અને 7 વર્ષની છે.સાથે જ લોકોને એવી પણ આશંકા છે કે મોસાળમાં રહેતી પત્નીથી નારાજ પતિએ સુતા સમયે બધાને સળગાવી દીધા હતા.
પત્ની મોસાળ જતા ગુસ્સો આવ્યો હતો
મળતી માહિતી મુજબ, મહિલા તેના પતિની નશાની આદતથી ઘણી હેરાન હતી.થોડા સમય પહેલા તે તેના મોસાળ આવી હતી. આ વાતથી પતિ ગુસ્સે હતો.આ અંગે ગુસ્સે ભરાયેલા આરોપીઓએ રાત્રે પેટ્રોલ છાંટીને ઝૂંપડીને આગ ચાંપી દીધી હતી. આગ લગાવ્યા બાદ આરોપી બહારથી દરવાજો બંધ કરીને ભાગી ગયો હતો.
