રાજકોટ : જયરાજસિંહ V/S અનિરુદ્ધસિંહ: ગોંડલ બેઠક પર ગોંડલ જૂથ અને રીબડા જૂથ કેટલાય સમયથી બંને આમને સામને છે અને દિવસે દિવસે મામલો વધુ ગંભીર બનતો જાય છે ત્યારે બે દિવસ પહેલા જયરાજસિંહ જાડેજાએ ખુલ્લેઆમ રીબડા જૂથને ધમકી આપી હતી ત્યારે ત્યારબાદ રીબડા જૂથે પણ જ્યાં જયરાજસિંહે સભા કરી હતી.
અનિરુદ્ધસિંહ જાડેજાએ પણ ત્યાં ગઈકાલે દલિત સમાજનું સંમેલન બોલાવ્યું હતું અને તેમને જણાવ્યું હતું કે, આપણે આ ગુંડાગર્દીથી આઝાદી જોઈતી હોય તો કોંગ્રેસ તરફી મતદાન કરજો.તેવો વીડિયો પણ હાલ સોશિયલ મીડિયામાં ખૂબ વાયરલ થઈ રહ્યો છે.આવતીકાલે 12 વાગ્યે પ્રેસ કોન્ફેરેન્સ કરી વિધિવત રીતે કોંગ્રેસને સમર્થન જાહેર કરશે.બે દીવસ પહેલા ગોંડલના ધારાસભ્યના પતિ જયરાજસિંહ જાડેજાએ દેરડી ગામે જાહેર સભામાં સંબોધન કરતી વખતે જાહેરમાં ધમકી આપી હતી.તેમની સામે જે ઉમેદવારે ટિકિટ માંગી હતી તેને ધમકી આપતા હોય તેવો વીડિયો વાયરલ થયો હતો.જયરાજસિંહ જાડેજાની સામે રીબડા જુથ છે.રીબડા જુથના અનિરુદ્ધ જાડેજાએ પણ દેરડી કુંભાજીમાં દલિત સમાજનું સંમેલન બોલાવ્યું હતું.જેમાં સભા દરમિયાન એક વીડિયો વાયરલ થયો હતો.જયરાજસિંહ અને એની ગેંગના લોકો દલિતો પર અત્યાચાર કરે છે.ગોંડલના જેલર સામે પણ ખોટો ગુન્હો દાખલ કરવામાં આવ્યો હતો.
ગોંડલ બેઠકની રસપ્રદ વિગત
ગોંડલ ગુજરાત વિધાનસભાની 182 બેઠકો પૈકી 73મા નંબરની બેઠક છે.આ બેઠક રાજકોટ જિલ્લામાં આવેલી છે અને તેની લોકસભા બેઠક પોરબંદર છે.આ વિસ્તારમાં ગુજરાતનું પ્રસિદ્ધ ભુવનેશ્વરી મંદિર આવેલું છે અને સ્વામિનારાયણ સંપ્રદાયનું મહત્વનું અક્ષર દેરી સ્થળ અહીં આવેલું છે.સૌરાષ્ટ્રનું સૌથી મોટું માર્કેટ યાર્ડ ગોંડલમાં આવેલું છે.
