સુરત, તા. 15 ડિસેમ્બર 2022, ગુરુવાર : સુરતના મહિધરપુરા પોલીસ મથકની હદમાં વરલી મટકાનો જુગાર રમતા 7 લોકોને ગાંધીનગર સ્ટેટ મોનીટરીંગ સેલે દરોડો પાડી ઝડપી પાડ્યા છે.પોલીસે જુગારીઓ પાસેથી કુલ 1.16 લાખની મત્તા કબજે કરી હતી.તેમજ વરલી મટકાનો જુગાર ચલવનાર ઇસમ સહીત બે લોકોને વોન્ટેડ જાહેર કરવામાં આવ્યા છે.
ગાંધીનગરની સ્ટેટ મોનીટરીંગ સેલને માહિતી મળી હતી કે મહિધરપુરા સિનેમા રોડ સ્થિત દિલ્હીગેટ ડાંગી શેરી નબર 3 પાસે ઓટલા પર જાહેરમાં કેટલાક લોકો વરલી મટકાનો જુગાર રમી રહ્યા છે.બાતમીના આધારે પોલીસે અહી દરોડો પાડ્યા હતા. પોલીસે અહીથી જુગાર રમતા અમે રમાડતા મળી કુલ 7 લોકોની ધરપકડ કરી હતી.જુગારીઓ પાસેથી પોલીસે રોકડા રૂપિયા 35110, 7 મોબાઈલ, એક બાઈક, બે મોપેડ તથા જુગાર રમવા તથા રમાડવાના સાધનો મળી કુલ 1,16,670ની મત્તા કબજે કરી હતી.
કોણ કોણ ઝડપાયું
– અમરસિહ છોટુભાઈ વસાવા ( ઉ. ૫૩, રહે. બાબેન રોડ, બારડોલી, રાયટર)
– વિજયભાઈ નાથુભાઈ વસાવા (ઉ.૪૫, રહે, નવી નગરી, અંકલેશ્વર,રાયટર)
– દિલીપ ચિંતામણ ઠાકરે (ઉ.૪૭, રહે.જૂની આંબાવાડી, વરાછા, સુરત,રાયટર)
– મનોજભાઈ ગોવિંદભાઈ પટેલ (ઉ.૪૯, ઉદ્રેશ ભૈયાની ચાલ, વરાછા)
– પ્રવીણભાઈ હરીભાઈ કાપડિયા (ઉ.૬૧, રહે. માતાવાડી, વરાછા, સુરત)
– મહમદ શબ્બીર પીરમહમદ મુન્સી, (ઉ.૫૫, રહે. રામપુરા, વરાછા રોડ સુરત)
– આનંદભાઈ કૈલાશભાઈ ઠાકુર, (ઉ.૩૨, રહે. દિલ્હીગેટ, સુરત)
વોન્ટેડ જાહેર કરાયેલા લોકો
– યુસુફભાઈ ગુલાબમિયા મકરાણી (રહે.બેગમપુરા , વરલી મટકાનો જુગાર ચલાવનાર)
– જાવેદભાઈ ( રહે. મહિધરપુરા, વલણ ચુકવનાર)
