FIFA World Cup 2022ની ફાઇનલ મેચ આર્જેન્ટિના અને ફ્રાન્સ વચ્ચે 18 ડિસેમ્બરે રમાશે.રવિવારે રમાનારી આ મેચ ઘણી રોમાંચક બની શકે છે.એક તરફ લિયોનેલ મેસ્સીની મજબૂત ટીમ આર્જેન્ટિના છે અને બીજી બાજુ કાયલિયાન એમબાપ્પેની શાનદાર ટીમ ફ્રાન્સ છે.આ બંને વચ્ચે જોરદાર સ્પર્ધા જોવા મળી શકે છે.ફ્રાન્સ પાસે આ વખતે 60 વર્ષ જૂનો રેકોર્ડ તોડવાની તક છે.તે FIFA World Cup 2018ની ચેમ્પિયન ટીમ છે.
આ વખતે ફ્રાન્સની ટીમ પોતાના સપનાની ફાઈનલ રમવા માટે મેદાનમાં ઉતરશે.તેઓ 2018ની ચેમ્પિયન ટીમ છે.ફાઇનલમાં ફ્રાન્સે ક્રોએશિયાને 4-2થી હરાવ્યું હતું.હવે તે સતત બીજી વખત ચેમ્પિયન બનનાર 60 વર્ષમાં પ્રથમ ટીમ બનવાની નજીક છે. એમ્બાપ્પેની સર્વશ્રેષ્ઠ ટીમ ફાઈનલ જીતીને વર્ષો જૂનો રેકોર્ડ તોડવા ઈચ્છશે.પરંતુ બીજી તરફ મેસ્સીનું આર્જેન્ટિના તેને આ રેકોર્ડ તોડતા રોકવાનો પ્રયાસ કરશે.જો મેસ્સી મેદાન પર ઉતરે છે,તો તેની અને એમ્બાપ્પે વચ્ચે હીટિંગ મેચ જોવા મળી શકે છે.
જો આપણે વર્લ્ડ કપ 2022માં એમ્બાપ્પે અને મેસ્સીના રેકોર્ડ પર નજર કરીએ તો બંને એકબીજા સાથે સ્પર્ધા કરતા જોવા મળે છે.મેસ્સી આ વર્લ્ડ કપમાં અત્યાર સુધીમાં 6 મેચ રમી ચૂક્યો છે અને તેણે 5 ગોલ કર્યા છે.આ સાથે તેણે 3 આસિસ્ટ પણ આપ્યા છે. મેસ્સીએ વર્લ્ડ કપ 2018માં માત્ર એક ગોલ કર્યો હતો.બીજી તરફ, એમ્બાપ્પેએ 6 મેચ રમીને 6 ગોલ કર્યા છે અને 2 આસિસ્ટ આપ્યા છે.એમ્બાપ્પે વર્લ્ડ કપ 2018માં 4 ગોલ કર્યા હતા.
FIFA World Cup 2022માં ફ્રાન્સની સફર પર નજર કરીએ તો તેણે ક્વાર્ટર ફાઇનલમાં ઇંગ્લેન્ડને 2-1થી હરાવ્યું હતું.તે એકદમ રસપ્રદ મેચ હતી.આ પછી ફ્રાન્સે સેમિફાઇનલમાં મોરોક્કોને 2-0થી હરાવીને બહારનો રસ્તો બતાવ્યો હતો.આ જીત સાથે ફ્રાન્સે ફાઇનલમાં જગ્યા બનાવી લીધી છે.બીજી તરફ આર્જેન્ટિનાએ ક્વાર્ટર ફાઇનલમાં નેધરલેન્ડને હરાવ્યું હતું.આ પછી,તેણે સેમિફાઇનલમાં ક્રોએશિયા પર 3-0થી જીત મેળવી હતી.હવે ફાઇનલ મેચનો વારો છે.
