દિલ્હીના આદર્શ નગરમાં મિત્રતા તોડવા પર યુવકે યુવતી પર છરીના ઘા ઝીંકી દીધા હતા.આ સનસનીખેજ ઘટના સીસીટીવી (CCTV)માં કેદ થઈ ગઈ હતી.પીડિતાને ગરદન,પેટ અને હાથ પર ઈજાઓ થઈ છે.પીડિતાને બાબુ જગજીવન રામ હોસ્પિટલમાં દાખલ કરવામાં આવી છે.પીડિતાની સારવાર વરિષ્ઠ ડોક્ટરોના નેતૃત્વમાં ચાલી રહી છે.
મળતી માહિતી મુજબ, 2 જાન્યુઆરીએ આદર્શ નગર વિસ્તારમાં 22 વર્ષીય સુખવિંદરની ધરપકડ કરવામાં આવી હતી.કહેવામાં આવી રહ્યું છે કે, બંને મિત્રો હતા.બાદમાં બંને વચ્ચે કોઈ બાબતે બોલાચાલી થઈ હતી.આ બાદ આરોપીએ યુવતી પર છરીના ઘા ઝીંકી દીધા હતા.દુષ્કર્મ આચર્યા બાદ આરોપી સ્થળ પરથી ફરાર થઈ ગયો હતો.
21 વર્ષીય પીડિતા તેના પરિવાર સાથે પાર્ક એક્સટેન્શન વિસ્તારમાં રહે છે.પીડિતા DUના SOLમાંથી BA કરી રહી છે.પીડિતા અને આરોપી સુખવિંદર વચ્ચે પાંચ વર્ષ પહેલા મિત્રતા થઈ હતી.પરિવારને આરોપી પસંદ ન હતો.એટલા માટે પીડિતાએ ધીમે ધીમે તેનાથી અંતર બનાવવાનું શરૂ કર્યું હતું.પીડિતાએ જણાવ્યું કે, તે સોમવારે બપોરે કાર ડ્રાઇવિંગ શીખવા માટે ઘરેથી નીકળી હતી.દરમિયાન આરોપીએ તેને વાત કરવાના બહાને બોલાવી હતી.વાતો કરતા કરતા બંને શેરીમાં જતા હતા.આ દરમિયાન આરોપીએ તેને મિત્રતા તોડવાનું કારણ પૂછ્યું.તે બાદ આરોપીએ યુવતી પર હુમલો કર્યો હતો.
આ ઘટના શેરીમાં લાગેલા સીસીટીવી કેમેરામાં કેદ થઈ ગઈ હતી.આરોપી યુવતીને મૃત સમજીને ફરાર થઈ ગયો હતો.આસપાસના લોકોએ તેને હોસ્પિટલમાં દાખલ કરી હતી.અહીંથી પીડિતાને બાબુ જગજીવન રામ હોસ્પિટલમાં દાખલ કરવામાં આવી છે.પીડિતાની હાલત નાજુક છે.ઘટના બાદ આરોપી દિલ્હીથી અંબાલા ભાગી ગયો હતો. પોલીસની ટીમ અંબાલા પહોંચી અને તેને 3 જાન્યુઆરીએ અંબાલાથી ઝડપ્યો છે.
