સુરત, 13 જાન્યુઆરી 2023 શુક્રવાર : સુરત શહેરમાં અનેક દારૂના અડ્ડાઓના વીડિયો ભૂતકાળમાં વાયરલ થયા છે ત્યારે વધુ એક દારૂનો વીડિયો સામે આવ્યો છે.આ વીડિયો ચોંકાવનારો એટલે છે કે કારણે અહી દારૂનું વેચાણ એક સગીર દ્વારા કરવામાં આવી રહ્યું છે.આ વાયરલ વીડિયોમાં અહી દારૂનો અડ્ડો બિંદાસપણે ધમધમતો દેખાય છે.આ વીડિયો વાયરલ થયા બાદ પોલીસ કાફલો દોડતો થયો છે અને આ અંગે તપાસ શરૂ કરી છે.
સુરત પોલીસ દ્વારા બુટલેગરો અને દારૂની હેરાફેરી કરતા આરોપીઓને ઝડપી પાડી કાર્યવાહી તો કરવામાં આવે છે,પરંતુ શહેરમાં જાહેરમાં કેટલાય અડ્ડાઓ ધમધમી રહ્યા છે.તે વાતનો પુરાવો આ વીડિયો આપી રહ્યો છે.આ વીડિયો ચોકાવનારો એટલા માટે છે કારણ કે આ વીડિયોમાં દારૂનું વેચાણ એક કિશોર કરી રહ્યો છે.વાયરલ વીડિયોમાં જોઈ શકાય છે કે અહી બિદાસપણે દારૂના અડ્ડાઓ ધમધમી રહ્યા છે.લોકોની દારૂ પીવા અને ખરીદવા માટે કતારો જોવા મળી રહી છે અને બારી પાછળથી એક કિશોર દારૂનું વેચાણ કરી રહ્યો છે આ વીડિયો વાયરલ થતા શહેરમાં ચકચાર મચી જવા પામી છે.
આ વીડિયો લીંબાયત વિસ્તારનો હોવાની ચર્ચા છે.જે હિસાબે આ વીડિયો વાયરલ થયો છે અને વીડિયોમાં જે હિસાબે દારૂના અડ્ડા પર લોકોની લાંબી કતાર અને જે હિસાબે એક કિશોર દ્વારા દારૂનું વેચાણ થઇ રહ્યું છે તે ખરેખર ચોકાવનારો વિષય છે.પોલીસની રહેમનજર સિવાય આ પ્રકારે દારૂના અડ્ડાઓ ધમધમી શકે નહીં તેવી ચર્ચાઓ પણ ઉઠવા પામી છે. આ અંગે લીંબાયત પીઆઈ એચ.બી.ઝાલાએ જણાવ્યું હતું કે વીડિયો અમારે ધ્યાને આવ્યો છે આ અંગે અમે તપાસ કરીએ છીએ.
